India

ഹെലികോപ്റ്റർ മുതൽ മുങ്ങിക്കപ്പലിൽ വരെ അഴിമതി നടത്തിയവർ ഇന്ന് ബിജെപിയെ ഭയന്ന് ഒന്നാകുന്നു; ജാമ്യത്തിൽ നടക്കുന്നവരും,ആരോപണം നേരിടുന്നവരും പട്നയിൽ ജയിൽ അനുഭവങ്ങൾ പങ്കുവയ്ക്കുന്നു; പ്രതിപക്ഷ ഐക്യത്തെ കണക്കിന് പരിഹസിച്ച് പ്രധാനമന്ത്രി

ഭോപ്പാൽ: 2024 ലോക്‌സഭാ തെരഞ്ഞെടുപ്പിൽ ബിജെപിക്കെതിരെ പ്രതിപക്ഷപാർട്ടികളുടെ വിശാലമുന്നണിയുണ്ടാക്കാനുള്ള ശ്രമങ്ങളെ കണക്കിന് പരിഹസിച്ച് പ്രധാനമന്ത്രി നരേന്ദ്രമോദി. ഭോപ്പാലിൽ ബിജെപി പ്രവർത്തകരെ അഭിസംബോധന ചെയ്‌ത്‌ സംസാരിക്കുകയായിരുന്നു പ്രധാനമന്ത്രി. പരസ്പരം അധിക്ഷേപിച്ചവര്‍ ഇപ്പോള്‍ സാഷ്ടാംഗപ്രണാമം ചെയ്യുന്നു, തലകുനിക്കുന്നു. 2024ലെ തിരഞ്ഞെടുപ്പില്‍ ബിജെപി സര്‍ക്കാരിനെ തന്നെ കൊണ്ടുവരാന്‍ പൊതുജനം തീരുമാനിച്ചിട്ടുണ്ടെന്ന് അവരുടെ പരിഭ്രാന്തിയില്‍ നിന്ന് വ്യക്തമാണ്’. ബിജെപി അധികാരത്തില്‍ തുടരുമെന്ന് ഉറപ്പുള്ളത് കൊണ്ടാണ് പ്രതിപക്ഷ പാര്‍ട്ടികള്‍ ഭ്രാന്ത് പിടിച്ച പോലെ ഓടി നടക്കുന്നത്. ജനങ്ങളെ തെറ്റിദ്ധരിപ്പിക്കാനും തെറ്റായ ആരോപണങ്ങള്‍ ഉന്നയിച്ച് അധികാരം പിടിക്കാനുമാണ് അവര്‍ ശ്രമിക്കുന്നതെന്ന് മോദി കൂട്ടിച്ചേർത്തു.

പട്‌നയില്‍ ചേര്‍ന്ന പ്രതിപക്ഷ സമ്മേളനത്തില്‍ പങ്കെടുത്ത പാര്‍ട്ടികളൊക്കെ വലിയ അഴിമതി ആരോപണങ്ങള്‍ നേരിടുന്നവരാണ്. ഹെലികോപ്റ്റര്‍ മുതല്‍ മുങ്ങികപ്പല്‍ വരെ കോണ്‍ഗ്രസ് അഴിമതി നടത്താത്ത മേഖലകളില്ല. ആര്‍ജെഡിയെ നോക്കൂ, ആയിരക്കണക്കിന് കോടികളുടെ അഴിമതി ആരോപണങ്ങളാണ് അവര്‍ നേരിടുന്നത്. അഴിമതി കേസുകളിൽ വിധിപറഞ്ഞ് കോടതികള്‍ക്ക് പോലും മടുത്തു. ഒന്നിന് പുറകെ ഒന്നായി ശിക്ഷാവിധികൾ പ്രസ്താവിച്ചുകൊണ്ടിരിക്കുകയാണ്. തമിഴ്നാട്ടില്‍ ഡിഎംകെ അനധികൃതമായി സ്വത്ത് സമ്പാദിച്ചുവെന്ന ആരോപണമുണ്ട്. തൃണമൂല്‍ കോണ്‍ഗ്രസിനെതിരെ 23000 കോടിയുടെ അഴിമതി ആരോപണമാണ് ഉള്ളത്. പശ്ചിമ ബംഗാളിലെ ജനങ്ങള്‍ ഈ അഴിമതി വെച്ചുപൊറുപ്പിക്കില്ലെന്നും. 70000 കോടിയുടെ അഴിമതി ആരോപണമാണ് എന്‍സിപിക്കെതിരെയുള്ളതെന്നും അദ്ദേഹം പറഞ്ഞു.

പ്രതിപക്ഷപ്പാർട്ടികളുടെ അഴിമതിക്കഥകൾ പാർട്ടികളുടെ പേരെടുത്ത് പറഞ്ഞാണ് പ്രധാനമന്ത്രി വിമർശിച്ചതെന്നത് ശ്രദ്ധേയമാണ്. മദ്ധ്യപ്രദേശിലും രാജസ്ഥാനിലും നിയമസഭാ തെരഞ്ഞെടുപ്പുകൾ ഈ വർഷം അവസാനം നടക്കാനിരിക്കെയാണ് പ്രധാനമന്ത്രിയുടെ പ്രസ്താവന. പ്രതിപക്ഷ ഐക്യമെന്ന പേരിൽ ഒരുമിക്കുന്ന രാഷ്ട്രീയ പാർട്ടികൾക്കെല്ലാം സ്വന്തം അജണ്ടകളുണ്ടെന്നും അത് രാജ്യത്തിൻറെ വികസനത്തിന് അനുയോജ്യമായതല്ലെന്ന വ്യക്തമായ നയം മുന്നോട്ട് വയ്ക്കുകയാണ് പ്രധാനമന്ത്രി.

B4 Admin

Recent Posts

103 കോടിയുടെ സ്വത്തുക്കൾ മരവിപ്പിച്ചതിന് പിന്നാലെ ഇ.ഡി നീക്കം: ആർ. പ്രേംകുമാറിനും കുടുംബത്തിനും സമൻസ്

ബി.എൽ.എം നിക്ഷേപ ക്രമക്കേട് കേസിൽ അന്വേഷണം കൂടുതൽ ശക്തമാക്കി എൻഫോഴ്‌സ്‌മെന്റ് ഡയറക്ടറേറ്റ്. സ്ഥാപനത്തിന്റെ സ്ഥാപക ചെയർമാൻ ആർ. പ്രേംകുമാറിനും കുടുംബാംഗങ്ങൾക്കും…

6 hours ago

ഇറാന്റെ മിസൈൽ കരുത്ത് അമേരിക്കയ്ക്ക് ഇപ്പോഴും തലവേദന; ട്രംപിന്റെ അവകാശവാദങ്ങൾക്കിടയിൽ പുതിയ ഇന്റലിജൻസ് റിപ്പോർട്ട്

ഇറാന്റെ സൈനികശേഷി പൂർണമായും തകർത്തുവെന്ന അമേരിക്കൻ പ്രസിഡന്റ് ഡൊണാൾഡ് ട്രംപിന്റെ അവകാശവാദങ്ങൾക്കിടെ പുതിയ വെളിപ്പെടുത്തലുമായി യുഎസ് ഇന്റലിജൻസ് റിപ്പോർട്ട്. അമേരിക്കയുടെയും…

8 hours ago

ഇതാണോ പണത്തിന്റെ ഹുങ്ക്? സൂഹൈലിനെ പൊതിഞ്ഞ് കാറിൽ കയറ്റിയുള്ള മടക്കം

ബോസ്റ്റൽ സ്കൂളിൽ നിന്ന് പുറത്തിറങ്ങിയ സൂഹൈലിന്റെ ദൃശ്യങ്ങൾ പകർത്താൻ ശ്രമിച്ച മാധ്യമപ്രവർത്തകർക്ക് നേരെ ബന്ധുക്കളുടെയും സുഹൃത്തുക്കളുടെയും പരാക്രമം. ക്യാമറയ്ക്ക് മുന്നിൽ…

9 hours ago

വൈദ്യുതി വാങ്ങൽ വിവാദം: രാജമാണിക്യത്തിന്റെ ഇരട്ടപ്പദവിയും ദുരൂഹ കത്തും സർക്കാരിന് മുന്നിൽ നിർണായക ചോദ്യങ്ങൾ

കേരളത്തിലെ വൈദ്യുതി വാങ്ങൽ ഇടപാടുമായി ബന്ധപ്പെട്ട വിവാദം പുതിയ തലത്തിലേക്ക്. മുൻ കെ.എസ്.ഇ.ബി ചെയർമാനും ഊർജവകുപ്പ് സെക്രട്ടറിയുമായിരുന്ന ജി. രാജമാണിക്യത്തിന്റെ…

10 hours ago

കുൽഗാമിൽ സുരക്ഷാസേനയുടെ തിരിച്ചടി: സിആർപിഎഫ് ക്യാമ്പ് ആക്രമണവുമായി ബന്ധമുള്ള ലഷ്കർ ഭീകരർ ഏറ്റുമുട്ടലിൽ കൊല്ലപ്പെട്ടു

ജമ്മു കശ്മീരിലെ കുൽഗാമിൽ സിആർപിഎഫ് ക്യാമ്പിന് നേരെയുണ്ടായ ഭീകരാക്രമണവുമായി ബന്ധമുള്ള രണ്ട് ലഷ്കർ-ഇ-ത്വയ്ബ ഭീകരരെ സുരക്ഷാസേന ഏറ്റുമുട്ടലിൽ വധിച്ചു. നവംബർ…

10 hours ago

ജെം ഗ്രാനൈറ്റ്സ് പോക്സോ കേസ്: മുൻ ചെന്നൈ പോലീസ് കമ്മീഷണർ അരുണ്‍ ഐപിഎസ് ഉൾപ്പെടെ ഏഴ് പോലീസ് ഉദ്യോഗസ്ഥർക്കെതിരെ എസ്ഐടി കേസ്

തമിഴ്നാട്ടിൽ ജെം ഗ്രാനൈറ്റ്സ് ഉടമ ആർ. വീരമണിക്കെതിരായ പോക്സോ കേസുകളുടെ അന്വേഷണത്തിൽ നിർണായക വഴിത്തിരിവ്. കേസിൽ വീഴ്ച വരുത്തിയെന്ന ആരോപണത്തെ…

10 hours ago