സ്വർണ്ണക്കടത്ത് കേസിൽ പി എം ഒ ഇടപെടുന്നു: സി ബി ഐ രംഗത്ത്; കുറ്റവാളികൾ നെട്ടോട്ടത്തിൽ

തിരുവനന്തപുരം: കേരള രാഷ്ട്രീയത്തിൽ കോളിളക്കം സൃഷ്‌ടിച്ച സ്വർണ്ണക്കടത്ത് കേസ് വഴിത്തിരിവിൽ . കേസിൻ്റെ അന്വേഷണ പുരോഗതി പ്രധാനമന്ത്രിയുടെ ഓഫീസ് നേരിട്ട് വിലയിരുത്തുന്നു. ഇതേത്തുടർന്ന് കേസിൻ്റെ അന്വേഷണവുമായി ബന്ധപ്പെട്ട് കേന്ദ്ര കുട്ടനേഷണ അഞ്ജാൻസിയായ സിബിഐയും രംഗത്തുവന്നു. സിബിഐയുടെ ഉദ്യോഗസ്ഥന്മാർ ഇന്നുരാവിലെ കൊച്ചിയിലെ സെൻട്രൽ എക്സൈസ് ആസ്ഥാനത്തെത്തി കസ്റ്റംസ് ഉദ്യോഗസ്ഥന്മാരുമായി കേസിൻ്റെ നിർണായക വിവരങ്ങൾ ചർച്ച ചെയ്തു.

വരും ദിവസങ്ങളിൽ കൂടുതൽ കേന്ദ്ര ഏജൻസികൾ കേസ് അന്വേഷണത്തിൽ നേരിട്ട് ഇടപെടുമെന്നും ഒരു പ്രത്യേക അന്വേഷണ സംഘത്തെ ഇതിനായി കേന്ദ്ര ആഭ്യന്തര മന്ത്രാലയം നിയോഗിക്കുമെന്നും സൂചനയുണ്ട്. ഉന്നത രാഷ്ട്രീയ വ്യവസായ, ഉദ്യോഗസ്ഥ ബന്ധങ്ങളുള്ള ഈ കേസ് കസ്റ്റംസ് മാത്രമന്വേഷിച്ചാൽ പോരാ എന്ന തീരുമാനത്തിലാണ് കേന്ദ്രസർക്കാർ . പ്രധാനമന്ത്രിയുടെ ഓഫീസാണ് ഇതുസംബന്ധിച്ച നിർദേശങ്ങൾ ഇന്നലെ രാത്രി വൈകി കേന്ദ്ര ആഭ്യന്തര മന്ത്രാലയത്തിന് നൽകിയത്.

ഐബി, റോ, എൻഫോഴ്‌സ്‌മെന്‍റ് ഡയറക്ടറേറ്റ് തുടങ്ങിയ കേന്ദ്ര അഞ്ജാൻസികൾ സ്വർണ്ണ കള്ളക്കടത്തിന് പിടിയിലായ ശരത്തിനെ ചോദ്യം ചെയ്തിരുന്നുവെങ്കിലും അന്വേഷണത്തിൽ നേരിട്ട് ഇതുവരെ ഇടപെട്ടിരുന്നില്ല. ഈ സ്ഥിതിയാണ് ഇപ്പോൾ മാറുന്നത്.