എ ഡി എം നവീൻ ബാബുവിന്റെ മരണത്തിൽപി പി ദിവ്യയുടെ പങ്ക് തെളിയുന്നു ? ദിവ്യയുടെ സ്വകാര്യ മൊബൈൽ ഫോൺഅന്വേഷണ സംഘം പരിശോധിച്ചു.

കണ്ണൂർ: എ.ഡി.എം. കെ.നവീൻ ബാബുവിന്റെ മരണത്തെക്കുറിച്ച് അന്വേഷിക്കുന്ന പ്രത്യേകസംഘം കണ്ണൂർ മുൻ പഞ്ചായത്ത് പ്രസിഡന്റ് പി പി ദിവ്യയുടെ സ്വകാര്യ മൊബൈൽ ഫോൺ പരിശോധിച്ചു..എ.ഡി.എമ്മിന്റെ യാത്രയയപ്പ് യോഗത്തിൽ നടത്തിയ അഴിമതിയാരോപണത്തിനുശേഷം രാത്രി ഫോണിൽ ബന്ധപ്പെട്ടവരുടെയും നവീൻ ബാബുവിന്റെ ആത്മഹത്യക്കുശേഷം ദിവ്യ ഫോണിൽ ബന്ധപ്പെട്ടവരുടെയും കോൾലിസ്റ്റും പോലീസ് പരിശോധിച്ചു.

അതേസമയം നവീൻ ബാബുവിനെ അധിക്ഷേപിക്കുന്ന വീഡിയോ ദിവ്യ സമൂഹമാദ്ധ്യമങ്ങളിൽ പങ്കുവച്ചിട്ടുണ്ടോ? പങ്കുവച്ച ശേഷം ഒഴിവാക്കിയതാണോ, യാത്രയയപ്പിലെ സംഭവങ്ങൾ ചിത്രീകരിക്കാൻ മനഃപൂർവ്വം സ്വകാര്യ ചാനലിനെ വിളിച്ചുവരുത്തിയതാണോ തുടങ്ങിയവയും പൊലീസ് അന്വേഷിച്ചുവരികയാണ്. കൂടാതെ നവീൻ ബാബുവിന്റെ മരണത്തെക്കുറിച്ച് വകുപ്പുതല അന്വേഷണം നടത്തിയ ലാൻഡ് റവന്യു ജോയിന്റ് കമ്മിഷണർ എ.ഗീതയുടെ മൊഴി അടുത്തദിവസം പോലീസ് രേഖപ്പെടുത്തും. നവീൻ ബാബുവിന്റെ ഭാര്യയുടെയും ബന്ധുക്കളുടെയും മൊഴി വീണ്ടും രേഖപ്പെടുത്താൻ അന്വേഷണസംഘം ഈയാഴ്ച പത്തനംതിട്ടയിലേക്ക് പോകും. പ്രശാന്തനുമായി ബന്ധപ്പെട്ട് കൂടുതൽ തെളിവുകൾ പോലീസ് ശേഖരിച്ചുവരികയാണ്.