നടൻ അമിതാഭ് ബച്ചന്റെ 80-ാം ജന്മദിനത്തിൽ ആശംസകൾ നേർന്ന് പ്രധാനമന്ത്രി നരേന്ദ്ര മോദി ; നല്ല വാക്കുകൾക്ക് മറുപടിയുമായി ബച്ചൻ

അമിതാഭ് ബച്ചന്റെ 80-ാം ജന്മദിനത്തിൽ ആശംസകൾ നേർന്ന് പ്രധാനമന്ത്രി നരേന്ദ്ര മോദി. “തലമുറകളായി പ്രേക്ഷകരെ ആകർഷിക്കുകയും രസിപ്പിക്കുകയും ചെയ്ത ഇന്ത്യയിലെ ഏറ്റവും ശ്രദ്ധേയനായ ചലച്ചിത്ര വ്യക്തികളിൽ ഒരാളാണ് അദ്ദേഹം. ദീർഘവും ആരോഗ്യകരവുമായ ജീവിതം നയിക്കട്ടെ,” എന്ന് പ്രധാനമന്ത്രി മോദി ട്വീറ്റ് ചെയ്തു. “താങ്കളുടെ ആശംസകൾക്ക് ഞാൻ നന്ദി പറയുന്നു. അങ്ങയുടെ ആശംസകൾ എപ്പോഴും എനിക്ക് പ്രചോദനമാകും,” ബച്ചൻ പ്രതികരിച്ചു.