കശ്മീരിൽ യോ​ഗ അഭ്യസിച്ച് പ്രധാനമന്ത്രി; ‘യോ​ഗ ടൂറിസ’ത്തിനാണ് രാജ്യം സാക്ഷ്യം വഹിക്കുന്നതെന്ന് പ്രധാനമന്ത്രി

ശ്രീന​ഗർ: അന്താ​രാഷ്‌ട്ര യോ​ഗാ ദിനത്തോടനുബന്ധിച്ച് കശ്മീരിൽ യോ​ഗ അഭ്യസിച്ച് പ്രധാനമന്ത്രി നരേന്ദ്ര മോദി. ദാൽ തടാകത്തിന്റെ തീരത്തെ ഷേർ-ഇ-കശ്മീർ ഇൻ്റർനാഷണൽ കോൺഫറൻസ് സെൻ്ററിൽ (എസ്‌കെഐസിസി) ആയിരുന്നു യോ​ഗാഭ്യാസം. വിവിധ മേഖലകളിൽ നിന്നുള്ള 7,000-ത്തോളം പേർ പ്രധാനമന്ത്രിക്കൊപ്പം പങ്കെടുത്തു. യോ​ഗ രാജ്യത്തിന് മുതൽക്കൂട്ടെന്ന് പ്രധാനമന്ത്രി വ്യക്തമാക്കി. പത്ത് വർഷം കൊണ്ട് യോ​ഗയ്‌ക്കുണ്ടായ മാറ്റം വളരെ വലുതാണെന്ന് പ്രധാനമന്ത്രി പറഞ്ഞു.

”യോഗയുമായി ബന്ധപ്പെട്ട ധാരണകളെ മാറ്റിമറിക്കാൻ ഈ ദശകത്തിന് സാധിച്ചു. യോ​ഗയിൽ അധിഷ്ഠിതമായ സമ്പദ് വ്യവസ്ഥയിലൂടെയാണ് ഇന്ന് നാം ക‍ടന്നുപോകുന്നത്. യോ​ഗയുടെ ജന്മദേശമായ ഭാരതത്തിലേക്ക് വിദേശികൾ ഉൾപ്പടെ ഒഴുകിയെത്തുകയാണ്. യഥാർത്ഥ യോ​ഗയുടെ സ്വത്വവും ​ഗുണ​ഗണങ്ങളും അറിഞ്ഞ് യോ​ഗ അഭ്യസിക്കാൻ നിരവധി പേരാണ് ഭാരതത്തിലെത്തുന്നത്. ഋഷികേശ്, കാശി എന്നിവിടങ്ങളിൽ തുടങ്ങി രാജ്യത്തിന്റെ തെക്കേയറ്റമായ കേരളത്തിലേക്ക് നീളുന്ന ‘യോ​ഗ ടൂറിസ’ത്തിനാണ് രാജ്യം സാക്ഷ്യം വഹിക്കുന്നത്. ‌ഫിറ്റ്നസിനായി പ്രത്യേകം യോ​ഗ ട്രെയിനർ‌മാരെ വരെ ആളുകൾ ആശ്രയിക്കുന്നു. ഇവയെല്ലാം യുവാക്കൾക്ക് പുതിയ തൊഴിലവസരങ്ങൾ സൃഷ്ടിക്കുന്നതിലും യോ​ഗ വലിയ പങ്ക് വഹിച്ചു” എന്ന് മോദി പറഞ്ഞു.