പതിമൂന്ന്കാരിയെ പീഡിപ്പിച്ചു;യുവാവ് പിടിയിൽ

പ്രായപൂർത്തിയാകാത്ത പെൺകുട്ടിയെ തട്ടിക്കൊണ്ടു പോയി ലൈംഗികമായി പീഡിപ്പിച്ച കേസിൽ രാജസ്ഥാൻ സ്വദേശിയായ യുവാവും സംഘവും പിടിയിൽ . രാജസ്ഥാൻ സ്വദേശിയായ 22 കാരനാണ് പിടിയിലായിരിക്കുന്നത് . മുംബൈ പൊലീസിന്റെ നേതൃത്വത്തിലുള്ള സംഘമാണ് ഇവരെ പിടികൂടിയിരിക്കുന്നത് .തട്ടിക്കൊണ്ടുപോകൽ, ബലാത്സംഗം എന്നീ കുറ്റങ്ങൾ ചുമത്തിയാണ് അഞ്ച് പ്രതികൾക്കെതിരേ കേസെടുത്തിരിക്കുന്നത്. 2012 ൽ ഇന്ത്യൻ പീനൽ കോഡ്, കുട്ടികളെ സംരക്ഷിക്കൽ എന്നീ കുറ്റങ്ങൾ ചുമത്തിയിട്ടുണ്ട്. ചൊവ്വാഴ്ച കോടതിയിൽ ഹാജരാക്കി പോലീസ് കസ്റ്റഡിയിൽ വിട്ടു.

സംഭവം ഇങ്ങനെ :-

ചണ്ഡീഗഡ് ഫാക്ടറിയിൽ ജോലി ചെയ്തിരുന്ന പ്രതി ഫെബ്രുവരിയിൽ സമൂഹമാധ്യമത്തിലൂടെ സൗഹൃദത്തിലാവുകയായിരുന്നു . തുടർന്ന് പെൺകുട്ടിയും പ്രതിയും പരസ്പരം തങ്ങളുടെ ഫോൺ നമ്പറുകൾ കൈമാറുകയും ഇടയ്ക്കിടെ സംസാരിക്കാറുണ്ടായിരുന്നുവെന്നും പൊലീസ് പറയുന്നു .

രാജ്യവ്യാപകമായി മാർച്ചിൽ ലോക്ക്ഡൗൺ ഏർപ്പെടുത്തിയപ്പോൾ പ്രതി രാജസ്ഥാനിലേക്ക് മടങ്ങി. ശേഷം യുവാവ് പെൺകുട്ടിയുമായി വീണ്ടും ബന്ധപ്പെടുകയും ഇരുവരും ഒളിച്ചോടാൻ പദ്ധതിയിട്ടതായി പൊലീസ് വ്യക്തമാക്കി .

28 കാരനായ സഹോദരനോടൊപ്പം ഇയാൾ മധ്യപ്രദേശിലെ രാജ്ഗഡിലേക്ക് പോവുകയും ,അവിടെ നിന്ന് ആറ് പേർ (- രണ്ട് സഹോദരന്മാർ, പ്രതിയുടെ മുൻ സഹപ്രവർത്തകൻ, രണ്ട് സുഹൃത്തുക്കൾ, ഒരു ഡ്രൈവർ )- മുംബൈയിലേക്ക് പോവുകയായിരുന്നു . ജൂലൈ ഒന്നിന് ഇവർ മുംബൈയിലെത്തി.

അതേസമയം, പെൺകുട്ടി നഗരത്തിലെ മുത്തശ്ശിയുടെ വീട്ടിലേക്ക് പോയിരുന്നു. തുടർന്ന് ജൂലൈ ഒന്നിന്, അമ്മാവന്റെ വീട് സന്ദർശിക്കുന്നതിന്റെ കാരണം പറഞ്ഞ് അവൾ പുറത്തിറങ്ങുകയായിരുന്നു . എന്നാൽ, സന്ധ്യ കഴിഞ്ഞും പെൺകുട്ടിയെ കാണാതായതോടെ , മുത്തശ്ശി അവളെ അന്വേഷിക്കാൻ തുടങ്ങി, തുടർന്ന് പോലീസ് പരാതി നൽകുകയായിരുന്നു.

തുടർന്ന് , അന്വേഷണത്തിനിടെ അഗ്രിപാഡ പോലീസ് പെൺകുട്ടിയുടെ കോൾ ഡാറ്റ റെക്കോർഡുകൾ പരിശോധിക്കുകയും പ്രതിയുടെ നമ്പർ കണ്ടെത്തി. “പ്രതിയുടെ കോൾ ഡാറ്റ റെക്കോർഡുകൾ സൂക്ഷ്മപരിശോധന നടത്തുന്നതിനിടയിൽ, മധ്യപ്രദേശിൽ നിന്നുള്ള കുറച്ച് ആളുകൾ ഇയാളെ സഹായിച്ചിട്ടുണ്ടെന്ന് പൊലീസിന് വ്യക്തമാവുകയായിരുന്നു . ഇപ്രകാരം പ്രതി രാജസ്ഥാനിലെ ജലാവറിൽ ഉള്ളതായി കണ്ടെത്തുകയായിരുന്നു. ” ഒരു ഉദ്യോഗസ്ഥൻ പറഞ്ഞു.

തുടർന്ന് അന്വേഷണ സംഘം പെൺകുട്ടിയെ രക്ഷപ്പെടുത്തുകയും പ്രതിയെയും സഹോദരനെയും അറസ്റ്റ് ചെയ്യുകയും ചെയ്തു. ചോദ്യം ചെയ്യലിൽ മധ്യപ്രദേശിൽ നിന്നുള്ള നാല് പേർ തങ്ങളെ സഹായിച്ചതായി പോലീസിന് മനസ്സിലാവുകയായിരുന്നു