India

രാഹുൽ ഗാന്ധിക്ക് പരമാവധി ശിക്ഷതന്നെ നൽകിയതെന്തുകൊണ്ട് ? കോടതിതന്നെ അക്കാര്യം പറയുന്നുണ്ട്; അപ്പീൽ നൽകാതെ കോൺഗ്രസിന്റെ മെല്ലെപ്പോക്കിൽ ദുരൂഹത; ഗുജറാത്തിയിൽ നിന്ന് മൊഴിമാറ്റം കഴിഞ്ഞില്ലെന്ന് വിശദീകരണം

ദില്ലി: വിവാദ ‘മോദി’ പരാമർശത്തിൽ രാഹുൽഗാന്ധിക്ക് പരമാവധി ശിക്ഷതന്നെ നൽകിയത് ഒരു മാതൃക കാട്ടാനാണെന്ന് കോടതി. രാഹുലിനെ ശിക്ഷിച്ചുകൊണ്ടുള്ള കോടതി വിധിയിൽ തന്നെ ഇക്കാര്യം വിശദമായി പരാമർശിച്ചിട്ടുണ്ടെന്ന് റിപ്പോർട്ട്. ഉത്തരവാദിത്തമില്ലാതെ ആർക്കും ആർക്കെതിരെയും എന്തും പറയാമെന്ന സ്ഥിതിയുണ്ട് അത് മാറണം. രാഹുൽ ഗാന്ധിയെപ്പോലെ ഉന്നത സ്ഥാനം അലങ്കരിക്കുന്നവരിൽ നിന്ന് ഉത്തരവാദിത്ത രഹിതമായ വാക്കുകൾ ഉണ്ടാകരുത് എന്ന സന്ദേശമാകണം കോടതിവിധി. അതുകൊണ്ടാണ് പരമാവധി ശിക്ഷ നൽകിയത്. കുറഞ്ഞ ശിക്ഷ നൽകിയാൽ അത് സമൂഹത്തിന് തെറ്റായ സന്ദേശം നൽകുമെന്ന് കോടതി പറഞ്ഞു. ‘എല്ലാ കള്ളന്മാരുടെയും പേരിൽ എന്തികൊണ്ടാണ് മോദി എന്ന് വരുന്നത്’ എന്നാണ് രാഹുൽ ഗാന്ധി പറഞ്ഞത്. 2019 ൽ കർണ്ണാടകയിലെ കോളാറിലെ തെരഞ്ഞെടുപ്പ് പ്രചാരണ വേദിയിലാണ് രാഹുൽ ഗാന്ധി വിവാദ പ്രസ്താവന നടത്തിയത്. പ്രസ്താവനയ്‌ക്കെതിരെ ബിജെപി എം എൽ എ യും മുൻമന്ത്രിയുമായ പൂർണേഷ് മോദിയാണ് മാനനഷ്ടക്കേസുമായി സൂറത്ത് ജില്ലാക്കോടതിയെ സമീപിച്ചത്.

അതേസമയം കോൺഗ്രസിന്റെ പോരാട്ടം വാക്കുകളിലൊതുങ്ങുന്നു. ഇന്നുവരെയും വിധിക്കെതിരെ രാഹുൽ ഗാന്ധി മേൽക്കോടതിയിൽ അപ്പീൽ നൽകിയിട്ടില്ല. അഭിഷേക് മനു സിംഗ്‌വി, സൽമാൻ ഖുർഷിദ്, പി.ചിദംബരം എന്നിവരടക്കം അഭിഭാഷകമന്നന്മാർ പാർട്ടിയിൽ ഏറെയുണ്ടായിട്ടും അപ്പീൽ നൽകുന്നതിൽ പാർട്ടി മെല്ലെപ്പോക്ക് തുടരുന്നു. ഇതിൽ ദുരൂഹതയുണ്ടെന്ന ആരോപണവും ഉയർന്നുകഴിഞ്ഞു. വിധി ഗുജറാത്തി ഭാഷയിലാണെന്നും പരിഭാഷ ഇനിയും കഴിഞ്ഞിട്ടില്ലെന്നുമാണ് പാർട്ടി നൽകിയ വിശദീകരണം. എന്നാൽ ഗുജറാത്തിലെ കോൺഗ്രസ് നേതാക്കളിൽ പലരും അഭിഭാഷകരാണ്. കഴിഞ്ഞ നിയമസഭാ തെരഞ്ഞെടുപ്പിൽ പാർട്ടിയുടെ മുഖ്യമന്ത്രി സ്ഥാനാർത്ഥിപോലും അഭിഭാഷകനാണ്. രാഹുൽഗാന്ധിയെ സഹായിക്കാൻ ഇവരാരും മുന്നോട്ട് വരുന്നില്ലേ എന്ന ചോദ്യവും ഇപ്പോൾ കോൺഗ്രസ് നേരിടുകയാണ്.

B4 Admin

Recent Posts

ഭക്തിസാന്ദ്രമായ കാർത്തിക പൊങ്കാലയ്ക്ക് ആവേശകരമായ തുടക്കം: ചക്കുളത്തുകാവ് ശ്രീഭഗവതി ക്ഷേത്രത്തിൽ നാളെ നിലവറദീപം തെളിയും!

ഭാരതത്തിന്റെ സനാതന സാംസ്കാരിക പൈതൃകത്തിന്റെ പ്രതീകമായ പ്രശസ്തമായ ചക്കുളത്തുകാവ് ശ്രീഭഗവതി ക്ഷേത്രത്തിൽ പ്രസിദ്ധമായ കാർത്തിക പൊങ്കാല മഹോത്സവത്തിന് മുന്നോടിയായുള്ള നിലവറദീപം…

51 minutes ago

സാമൂഹിക സമരസതയിലൂടെ സനാതന ഐക്യം: 1969-ലെ ഉഡുപ്പി ധർമ്മാചാര്യ സഭയുടെ ആഹ്വാനം യാഥാർത്ഥ്യമാക്കാൻ പ്രതിജ്ഞാബദ്ധമെന്ന് ദത്താത്രേയ ഹൊസബാളെ!

1969-ലെ ഉഡുപ്പി സമ്മേളനത്തിൽ എല്ലാ ധർമ്മാചാര്യന്മാരും ഒരേ സ്വരത്തിൽ നൽകിയ സാമൂഹിക സമരസതയുടെ മഹത്തായ ആഹ്വാനം പൂർണ്ണതയിൽ നടപ്പിലാക്കാൻ രാഷ്ട്രീയ…

2 hours ago

അക്രമരാഷ്ട്രീയത്തിന്റെ കറുത്ത അധ്യായത്തിൽ വിധി: അരിയിൽ ഷുക്കൂർ വധക്കേസിൽ 13 പേർ കുറ്റക്കാർ, പി. ജയരാജനെയും ടി.വി. രാജേഷിനെയും വെറുതെവിട്ടു!

മുസ്‌ലിം യൂത്ത് ലീഗ് നേതാവായിരുന്ന അരിയിൽ അബ്ദുൾ ഷുക്കൂർ കൊല്ലപ്പെട്ട കേസിൽ പതിന്നാലര വർഷത്തെ നിയമപോരാട്ടങ്ങൾക്ക് ശേഷം കൊച്ചി സി.ബി.ഐ.…

3 hours ago

വിരമിച്ചാലും ഇനി പി.എഫ് സമ്പാദ്യത്തിൽ നിന്ന് വരുമാനം: പുതിയ പദ്ധതിക്ക് ഇപിഎഫ്ഒ അംഗീകാരം!

വിരമിച്ചശേഷം പി.എഫ് അക്കൗണ്ടിലുള്ള മുഴുവൻ തുകയും ഒറ്റത്തവണയായി പിൻവലിക്കാതെ, നിശ്ചിത ഇടവേളകളിൽ ഗഡുക്കളായി കൈപ്പറ്റാൻ അവസരമൊരുക്കുന്ന പുതിയ പദ്ധതിക്ക് എംപ്ലോയീസ്…

3 hours ago

തിരുവാഭരണപാതയിലെ കൈയേറ്റങ്ങൾ ഒഴിപ്പിക്കണം: തിരുവാഭരണഘോഷയാത്രക്ക് മുമ്പ് പാത സഞ്ചാരയോഗ്യമാക്കണമെന്ന് ആവശ്യപ്പെട്ട് തിരുവാഭരണപാത സംരക്ഷണ സമിതി

ശബരിമല തീർത്ഥാടനവുമായി ബന്ധപ്പെട്ട തിരുവാഭരണഘോഷയാത്ര കടന്നുപോകുന്ന പരമ്പരാഗത പാതയിലെ കൈയേറ്റങ്ങൾ ഒഴിപ്പിക്കണമെന്ന ആവശ്യവുമായി തിരുവാഭരണപാത സംരക്ഷണ സമിതി. മകരസംക്രാന്തി ദിനത്തിൽ…

3 hours ago

സ്റ്റാലിനെ വീഴ്ത്തിയ രാഷ്ട്രീയ പോരാളിക്ക് വിട: വിജയ്‌യുടെ ടിവികെയ്ക്ക് തിരിച്ചടി കൊളത്തൂർ എംഎൽഎ വി.എസ്. ബാബു അന്തരിച്ചു

തമിഴ്നാട് രാഷ്ട്രീയത്തിൽ വലിയ ശ്രദ്ധ നേടിയ കൊളത്തൂർ മണ്ഡലത്തിലെ വിജയത്തിന് പിന്നാലെ ദേശീയതലത്തിലും ശ്രദ്ധാകേന്ദ്രമായിരുന്ന തമിഴക വെട്രി കഴകം (ടിവികെ)…

4 hours ago