ശബരിമല കെഎസ്ആർടി സർവീസിന് റെക്കോർഡ് വരുമാനം ;ഇന്നലെ മാത്രം ലഭിച്ചത് 1,01,55048 രൂപ,

പത്തനംതിട്ട :ശബരിമല ദർശനത്തിൽ വലിയ വർദ്ധനവാണ് ദിനംപ്രതി ഉണ്ടായിക്കൊണ്ടിരിക്കുന്നത്.ദർശനത്തിന്റെ തിരക്ക് കൂടുന്നതിനനുസരിച്ച് വർദ്ധിക്കുന്നത് കെ എസ് ആർ ടി സി യുടെ വരുമാനമാണ്.കെഎസ്ആർടിസിക്ക് റെക്കോഡ് വരുമാനമാണ് ഇന്നലെ ലഭിച്ചിട്ടുള്ളത്.കെ.എസ്.ആർ.ടി.സി പമ്പ സ്‌പെഷ്യൽ സർവീസിന് ഇന്നലെ 1,01,55048 രൂപയാണ് ലാഭം കിട്ടിയത്.സ്‌പെഷ്യൽ സർവീസ് ഒരു ദിവസം നേടുന്ന ഏറ്റവും ഉയർന്ന വരുമാനമാണിത്.

കഴിഞ്ഞ കുറച്ചു ദിവസങ്ങളായി ശബരിമലയിൽ വലിയ രീതിയിലുള്ള ഒരു ഭക്തജന തിരക്കാണ് അനുഭവപ്പെടുന്നത്. ഏതാണ്ട് ഒരു ലക്ഷത്തിനടുത്ത് പേരാണ് ദിനംപ്രതി വെർച്വൽ ക്യു വഴി ദർശനത്തിനായി എത്തുന്നത്. കൂടാതെ നേരിട്ട് ദർശനത്തിനായി എത്തുന്നവരുടെ കണക്കും വളരെ അധികമാണ്. ഇതിൽ അധികംപേരും ശബരിമലയിലേക്ക് എത്താൻ ആശ്രയിക്കുന്നത് കെ.എസ്.ആർ.ടി.സി സർവീസുകളെയാണ്.അതുകൊണ്ട് തന്നെ മകരവിളക്ക് സമയം ആവുമ്പോഴേക്കും നിലവിലെ വരുമാനത്തിൽ നിന്ന് ഇനിയും വർദ്ധിക്കാൻ സാധ്യതയുണ്ടെന്ന് കെ എസ് ആർ ടി സി വ്യക്തമാക്കി.