പെൺകുട്ടികളുടെ വിദ്യാഭ്യാസം മുടക്കാനുള്ള മതതീവ്രവാദികളുടെ പദ്ധതി ! ഇറാനിലെ 50 സ്കൂളുകളിൽ വിദ്യാർത്ഥിനികൾക്ക് വിഷബാധ ; ആശങ്കയിൽ ജനങ്ങൾ, അന്വേഷണം പ്രഖ്യാപിച്ച് പ്രസിഡന്റ് ഇബ്രാഹിം റെയ്‌സി

ഇറാനിലെ സ്കൂൾ വിദ്യാർത്ഥിനികളെ ലക്ഷ്യമിട്ടുള്ള വിഷബാധയെ തുടർന്ന് 50 ലധികം സ്കൂളുകൾക്ക് നേരെ വിഷബാധയുണ്ടായതായി അധികൃതർ സമ്മതിച്ചു. ഇറാൻ മാസങ്ങളായി അസ്വസ്ഥതകൾ നേരിടുന്നതിനാൽ വിഷബാധ മാതാപിതാക്കൾക്കിടയിൽ കൂടുതൽ ഭയം പടർത്തിയതായി വാർത്താ ഏജൻസികൾ റിപ്പോർട്ട് ചെയ്തു.

നവംബർ മുതൽ ഇറാനിൽ 700 ഓളം പെൺകുട്ടികൾ വിഷവാതകം ശ്വസിച്ച് ചികിത്സ തേടിയതായി ബിബിസി റിപ്പോർട്ട് ചെയ്തിരുന്നു. പെൺകുട്ടികളാരും മരിച്ചിട്ടില്ലെങ്കിലും ശ്വാസകോശ സംബന്ധമായ പ്രശ്നങ്ങൾ, അവർക്ക് അനുഭവപ്പെട്ടിരുന്നു. ഇത്തരം സംഭവങ്ങൾക്ക് പിന്നിൽ ആരാണെന്ന് വ്യക്തമല്ല. ഇറാനിലെ 30 പ്രവിശ്യകളിൽ 21 എണ്ണത്തിലും സംശയാസ്പദമായ കേസുകൾ റിപ്പോർട്ട് ചെയ്തതായി സൂചിപ്പിക്കുന്നു. ഇത് ജനങ്ങളിൽ ആശങ്ക പരത്തുകയാണ്.

1979 ലെ ഇസ്ലാമിക വിപ്ലവത്തിന് ശേഷമുള്ള 40 വർഷത്തിനിടയിൽ പെൺകുട്ടികളുടെ വിദ്യാഭ്യാസം ഒരിക്കലും വെല്ലുവിളിക്കപ്പെട്ടിട്ടില്ല. പെൺകുട്ടികളെയും സ്ത്രീകളെയും സ്കൂളുകളിലേക്കും സർവകലാശാലകളിലേക്കും മടങ്ങാൻ അനുവദിക്കണമെന്ന് ഇറാൻ അഫ്ഗാനിസ്ഥാനിലെ താലിബാൻ സർക്കാരിനോട് ആവശ്യപ്പെട്ടിരുന്നു. സംഭവത്തെക്കുറിച്ചുള്ള അന്വേഷണത്തിനിടെ “സംശയാസ്പദമായ സാമ്പിളുകൾ” അന്വേഷണ ഉദ്യോഗസ്ഥർ കണ്ടെടുത്തതായി ആഭ്യന്തരമന്ത്രി അഹ്മദ് വാഹിദി ഐആർഎൻഎ വാർത്താ ഏജൻസി റിപ്പോർട്ട് ചെയ്തു. അതേസമയം പ്രോസിക്യൂട്ടർ ജനറൽ ഇതുമായി ബന്ധപ്പെട്ട് അന്വേഷണം ആരംഭിക്കുകയാണെന്ന് പ്രഖ്യാപിച്ചു. എന്നാൽ വാതക വിഷബാധ അന്താരാഷ്ട്ര മാദ്ധ്യമ ശ്രദ്ധ നേടിയതിന് ശേഷം പ്രസിഡന്റ് ഇബ്രാഹിം റെയ്‌സി ബുധനാഴ്ച സംഭവങ്ങളെക്കുറിച്ച് അന്വേഷണം പ്രഖ്യാപിച്ചിരുന്നു.