ശബ്ദമുണ്ടാക്കുന്നുവെന്നാരോപണം !തെലങ്കാനയിൽ അയ്യപ്പപൂജ തടയാൻ രേവന്ത് റെഡ്ഢി പോലീസിന്റെ ശ്രമം ! ക്ഷേത്രത്തിൽ പോലീസ് സംഘം ഇരച്ചെത്തിയത് ബൂട്ടുകൾ അഴിച്ചു മാറ്റാതെ

വലിയ ശബ്ദമുണ്ടാക്കുന്നുവെന്ന പേരിൽ ക്രിസ്മസ് ദിനത്തിൽ അയ്യപ്പപൂജ തടയാൻ തെലങ്കാന പോലീസിൻ്റെ ശ്രമം. കണ്ടലക്കോയ ഗ്രാമത്തിൽ നടന്ന അയ്യപ്പ പൂജയ്ക്കിടെയായിരുന്നു മെഡ്ചൽ (ഭാഗ്യനഗർ) പോലീസിന്റെ അതിക്രമം. എസ്ഐ അശോകൻ്റെ നേതൃത്വത്തിലുള്ള പോലീസ് സംഘം ബൂട്ടിട്ട് ക്ഷേത്രാങ്കണത്തിൽ പ്രവേശിക്കുകയും പൂജയുടെ ശബ്ദം കുറയ്ക്കാൻ ആവശ്യപ്പെടുകയുമായിരുന്നു.

പൂജയ്ക്കിടെ ഉപയോഗിച്ചിരുന്ന ഉച്ചഭാഷിണികളിൽ നിന്നുള്ള വലിയ ശബ്ദം സംബന്ധിച്ച് പ്രദേശവാസികൾ തങ്ങൾക്ക് പരാതി നൽകിയെന്നാണ് പോലീസ് പറയുന്നത്. പൂജ തടഞ്ഞത് വിവാദമായതോടെ പ്രായമായ താമസക്കാർക്കും ആരോഗ്യപ്രശ്നങ്ങൾ ഉള്ളവർക്കും അസ്വസ്ഥതയുണ്ടെന്ന് ചൂണ്ടിക്കാട്ടി ശബ്ദം കുറയ്ക്കാൻ സംഘാടകർക്ക് നിർദ്ദേശം നൽകുക മാത്രമാണ് ചെയ്തതെന്ന് പറഞ്ഞ് തടി തപ്പുകയാണ് പോലീസ്. പോലീസ് നടപടി ശബ്ദനിയന്ത്രണം മാത്രമല്ല, ഹിന്ദുക്കളുടെ മതപരമായ ആവിഷ്കാരത്തെ തടസ്സപ്പെടുത്താനുള്ള ശ്രമമാണെന്ന് ഇതിനോടകം ആരോപണമുയർന്നിട്ടുണ്ട്.

ബൂട്ടുകൾ ധരിച്ച് വിശുദ്ധമായ ക്ഷേത്ര പരിസരത്ത് പ്രവേശിക്കാനുള്ള പോലീസ് തീരുമാനം അനാദരവിൻ്റെ അടയാളമാണെന്നാണ് ഭക്തർ പറയുന്നത്.
‘