പൊന്നും വിലയുള്ള പന്ത് !!! ഋഷഭ് പന്ത് 27 കോടി രൂപയ്ക്ക് ലഖ്‌നൗ സൂപ്പർ ജെയ്ന്റ്‌സിൽ ! ഐപിഎൽ ചരിത്രത്തിലെ ഏറ്റവും വിലയേറിയ താരം !!

ഐപിഎൽ ചരിത്രത്തിലെ ഏറ്റവും ഉയർന്ന തുകയ്ക്ക് ഇന്ത്യൻ വിക്കറ്റ് കീപ്പർ ബാറ്റർ ഋഷഭ് പന്തിനെ ടീമിലെത്തിച്ച് ലഖ്‌നൗ സൂപ്പര്‍ ജയന്‍റ്സ്. ഋഷഭിനായി ചെന്നൈ സൂപ്പർ കിങ്‌സ് രംഗത്തുവരുമെന്ന് സൂചനകൾ ഉണ്ടായിരുന്നുവെങ്കിലും ചെന്നൈ പന്തിൽ താല്പര്യം പ്രകടിപ്പിച്ചില്ല. കെ എല്‍ രാഹുലിന്റെ പകരക്കാരനായി നായകനായാണ് ലഖ്‌നൗ റിഷഭ് പന്തിനെ പരിഗണിച്ചത്.

രണ്ട് കോടി രൂപയായിരുന്നു പന്തിന്റെ അടിസ്ഥാന വില. പിന്നീട് 11.25 കോടി വരെ ലഖ്‌നൗവും റോയല്‍ ചലഞ്ചേഴ്സ് ബെംഗളൂരുവും തമ്മിലായിരുന്നു ശക്തിയേറിയ ലേലം വിളി. എന്നാല്‍ 11.25 കോടി കടന്നതോടെ ആര്‍സിബി പിന്‍മാറി. ഈ സമയത്താണ് സണ്‍റൈസേഴ്സ് ഹൈദരാബാദ് പന്തിനായി രംഗത്തെത്തിയത്. പിന്നീട് ഹൈദരാബാദും ലക്‌നൗവും തമ്മിലായി മത്സരം. 20 കോടി വരെ ഇരു ടീമുകളും പന്തിനായി മാറി മാറി വിളിച്ചു. തുക 20.50 കോടി കടന്നതോടെ റൈറ്റ് ടു മാച്ച് കാര്‍ഡ്(ആര്‍ടിഎം) ഉപയോഗിച്ച് ദില്ലി ക്യാപിറ്റല്‍സ് പന്തിനായി 20.75 കോടിക്ക് രംഗത്തെത്തി. എന്നാൽ ലഖ്‌നൗ പന്തിനെ വിട്ടു കൊടുക്കാൻ തയ്യാറായില്ല. അതേസമയം ശ്രേയസ് അയ്യരെ 26.75 കോടിക്ക് പഞ്ചാബ് സ്വന്തം തട്ടകത്തിലെത്തിച്ചു.