അനുമതിയില്ലാതെ പാർലമെന്റ് മാർച്ച് നടത്താനെത്തി സിജെപി : ദില്ലിയിൽ പാറ്റകളെ അടിച്ചോടിച്ച് റാപ്പിഡ് ആക്ഷൻ ഫോഴ്സ്

ന്യൂദില്ലി: നിരോധനം ലംഘിച്ച് പാറ്റാ പാർട്ടി നടത്തിയ സമരത്തിന് നേരെ ലാത്തിച്ചാർജ്ജ് നടത്തി ദില്ലി റാപ്പിഡ് ആക്ഷൻ ഫോഴ്സ്. അനുമതി തേടാതെയായിരുന്നു സിജെപി പാർലമെന്റ് മാർച്ച് നടത്തിയത്. മാർച്ച് അക്രമാസക്തമാകുമെന്ന് കണ്ടതോടെയാണ് ലാത്തിച്ചാർജ്ജ് നടന്നതെന്നാണ് സൂചന. റാപ്പിഡ് ആക്ഷൻ ഫോഴ്‌സിന്റെ അടി ഭയന്ന് ഓടുന്ന പാറ്റ കൂട്ടങ്ങളുടെ ദൃശ്യങ്ങളും പുറത്ത് വന്നു.

അതേസമയം പാർലമെന്റിന്റെ മൺസൂൺ സമ്മേളനം ഇന്നാണ് ആരംഭിച്ചത്. മൺസൂൺ സെഷന് മുന്നോടിയായി പോലീസും സുരക്ഷാ സേനയും അതീവ ജാഗ്രതയിലാണ്. കൂടാതെ സുരക്ഷാ കാരണങ്ങളാൽ ദില്ലി മെട്രോ റെയിൽ കോർപ്പറേഷൻ രാജീവ് ചൗക്ക്, ജൻപഥ്, പട്ടേൽ ചൗക്ക്, സെൻട്രൽ സെക്രട്ടേറിയറ്റ്, സേവാ തീർത്ഥ മെട്രോ സ്റ്റേഷനുകൾ തിങ്കളാഴ്ച അടച്ചിട്ടു.