റഷ്യയ്ക്കെതിരെ സൈബര്‍ ആക്രമണം; പുടിന്‍റെ സൈറ്റ് ഹാക്ക് ചെയ്തു

മോസ്കോ: റഷ്യ-യുക്രൈന്‍ യുദ്ധം കനക്കുകയാണ്. ഇതിനിടെ റഷ്യയ്ക്കെതിരെ സൈബര്‍ ആക്രമണം നടന്നു. ശനിയാഴ്ച രാത്രിയോടെയാണ് സംഭവം. ആക്രമണത്തില്‍ റഷ്യന്‍ പ്രസിഡന്‍റ് വ്ളാഡിമിർ പുടിൻ ഔദ്യോഗിക വെബ് സൈറ്റ് ഹാക്ക് ചെയ്യപ്പെട്ടുവെന്നാണ് ലഭിയ്ക്കുന്ന വിവരം.

വെബ്‌സൈറ്റ് ക്രെംലിന്‍ ഉള്‍പ്പെടെ ഏഴ് വെബ്‌സൈറ്റുകളാണ് പൂര്‍ണമായും പ്രവര്‍ത്തനഹരിതമായത് എന്നാണ് യുക്രൈന്‍ കേന്ദ്രങ്ങളെ ഉദ്ധരിച്ച് ലഭിയ്ക്കുന്ന റിപ്പോര്‍ട്ടുകൾ. പ്രസിഡന്റ് ഓഫീസ് വെബ്‌സൈറ്റിന് പുറമേ നിരവധി സര്‍ക്കാര്‍ വകുപ്പുകളുടേയും റഷ്യന്‍ മാധ്യമളുടേയും വെബ്‌സൈറ്റുകള്‍ ഹാക്ക് ചെയ്യപ്പെട്ടു. ഏതാനും ടെലിവിഷന്‍ ചാനലുകളും ഹാക്ക് ചെയ്യപ്പെട്ടുവെന്നും യുക്രനിയൻ ഗാനങ്ങള്‍ സംപ്രേഷണം ചെയ്തുവെന്നും മാധ്യമസ്ഥാപനമായ ‘ദി കീവ് ഇന്‍ഡിപെന്‍ഡന്റ്’ ട്വീറ്റ് ചെയ്തു.

നേരത്തെ പുറത്ത് വന്ന റിപ്പോര്‍ട്ടുകള്‍ പ്രകാരം അതി‌‌‌‌‌‌ർത്തികളിൽ സായുധ സേനയുടെ ആക്രമണത്തിനൊപ്പം തന്നെ യുക്രൈനെതിരെ റഷ്യ സൈബർ ആക്രമണവും നടത്തിയിരുന്നു. പല സ‌ർക്കാ‌ർ വെബ്സൈറ്റുകളും ഹാക്ക് ചെയ്യപ്പെട്ടിട്ടുണ്ടെന്നും ബാങ്കിംഗ് മേഖലയ്ക്കെതിരെ സൈബർ ആക്രമണം നടക്കുന്നുണ്ടെന്നുമാണ് ലഭിയ്ക്കുന്ന വിവരം.