സാങ്കേതിക തകരാർ അല്ല, അട്ടിമറി തന്നെ; വടക്കൻ ജർമനിയിൽ ട്രെയിൻ ഗതാഗതം നിശ്ചലമായി

ജർമനി: വടക്കൻ ജർമനിയിൽ ഉണ്ടായ ട്രെയിൻ തടസ്സത്തിന് കേബിൾ അട്ടിമറി കാരണമായതായി ജർമ്മൻ റെയിൽ ഓപ്പറേറ്റർ പറഞ്ഞു. സംഭവത്തിൽ സുരക്ഷാ അധികാരികൾ അന്വേഷണം ഏറ്റെടുത്തു. അതേസമയം, സാങ്കേതിക തകരാർ പരിഹരിച്ചതായി ഉദ്യോഗസ്ഥർ അറിയിച്ചു.

വടക്കൻ ജർമ്മനിയിലെ ട്രെയിൻ ശൃംഖലയിലുണ്ടായ തടസ്സങ്ങൾക്ക് കാരണം മനഃപൂർവമായ ഇടപെടലാണെന്ന് ജർമ്മൻ റെയിൽ ഓപ്പറേറ്റർ ഡച്ച് ബാൻ ഇന്നലെ പറഞ്ഞു. “ട്രെയിൻ ഗതാഗതത്തിന് ആവിശ്യമായ സുപ്രധാനമായ കേബിളുകൾക്ക് നേരിട്ട തടസ്സം മൂലം ഇന്നലെ രാവിലെ വടക്ക് ഭാഗത്ത് ഓടുന്ന ട്രെയിനുകൾ ഏകദേശം മൂന്ന് മണിക്കൂറോളം നിർത്തേണ്ടി വന്നു,” ഡച്ച് ബാൻ പറഞ്ഞു.

സുരക്ഷാ ഉദ്യോഗസ്ഥർ അന്വേഷണം ഏറ്റെടുത്തതായി ജർമ്മൻ റെയിൽ ഓപ്പറേറ്റർ പറഞ്ഞു. പ്രതികളെ കുറിച്ച് വിവരങ്ങളൊന്നും ലഭിച്ചിട്ടില്ല. എന്നിരുന്നാലും, ബെർലിനിന് പുറത്ത് ഒരു സ്ഥലത്തും പടിഞ്ഞാറൻ സംസ്ഥാനമായ നോർത്ത് റൈൻ-വെസ്റ്റ്ഫാലിയയിലും ആശയവിനിമയ കേബിളുകൾ മുറിച്ചതായി അന്വേഷണ ഉദ്യോഗസ്ഥർ കണ്ടെത്തി.

രണ്ട് സ്ഥലങ്ങളിൽ കേബിളുകൾ വിച്ഛേദിക്കപ്പെട്ടതിനാൽ റെയിൽ തടസ്സത്തിന് പിന്നിൽ നടന്നത് വലിയ അട്ടിമറി തന്നെയാണെന്ന് അധികാരികൾ അനുമാനിക്കണമെന്ന് ജർമ്മൻ ആഭ്യന്തര മന്ത്രി നാൻസി ഫൈസർ പറഞ്ഞു. ഇത് ലക്ഷ്യമിട്ടുള്ളതും ദുരുദ്ദേശ്യപരവുമായ നടപടിയാണെന്ന് വ്യക്തമാണെന്നും ഗതാഗത മന്ത്രി വോൾക്കർ വിസിംഗ് കൂട്ടിച്ചേർത്തു.