സംഗീത കൊലക്കേസ്; പോലീസ് കോടതിയിൽ കുറ്റപത്രം സമർപ്പിച്ചു

തിരുവനന്തപുരം: വടശ്ശേരിക്കോണം സ്വദേശിനി സംഗീത എന്ന പതിനാറ്കാരി കൊല്ലപ്പെട്ട കേസിൽ വർക്കല പോലീസ് കോടതിയിൽ കുറ്റപത്രം സമർപ്പിച്ചു. 80-ഓളം സാക്ഷികളെ ഉൾപ്പെടുത്തിയാണ് കുറ്റപത്രം സമർപ്പിച്ചിരിക്കുന്നത്. ഐ.പി.സി. 302 പ്രകാരം കൊലക്കുറ്റമാണ് പ്രതിക്കെതിരെ ചുമത്തിയിരിക്കുന്നത്.

കഴിഞ്ഞ വർഷം ഡിസംബർ 28-ന് പുലർച്ചെയായിരുന്നു കൊലപാതകം നടന്നത്. അനുജത്തിക്കൊപ്പം വീട്ടിൽ ഉറങ്ങുകയായിരുന്ന സംഗീതയെ വ്യജപേരിൽ സമൂഹ മാദ്ധ്യമത്തിലൂടെ സൗഹൃദം സ്ഥാപിച്ച ഗോപു ഫോണിൽ വിളിക്കുകയും തുടർന്ന് വീടിന് പുറത്തേയ്ക്ക് വരാൻ ആവശ്യപ്പെടുകയായിരുന്നു. തുടർന്ന് സംഗീത ഇറങ്ങി അടുത്തുള്ള റോഡിനു സമീപം എത്തുകയും ഇവർ തമ്മിലുള്ള തർക്കത്തിനിടയിൽ പ്രതി കത്തി കൊണ്ട് സംഗീതയുടെ കഴുത്തറുക്കുകയുമായിരുന്നു.