കോൺഗ്രസ് നേതാവ് ശശി തരൂർ അദ്ധ്യക്ഷ സോണിയ ഗാന്ധിയുമായി കൂടിക്കാഴ്ച്ച നടത്തി

കോൺഗ്രസ് നേതാവ് ശശി തരൂർ തിങ്കളാഴ്ച്ച പാർട്ടിയുടെ ഇടക്കാല അദ്ധ്യക്ഷ സോണിയ ഗാന്ധിയെ അവരുടെ 10 ജൻപഥ് റോഡിലെ വസതിയിൽ ചെന്ന് കണ്ടു . പാർട്ടിയിൽ പരിഷ്‌ക്കാരങ്ങൾ നിർദ്ദേശിക്കാനുള്ള യുവ കോൺഗ്രസ് പ്രവർത്തകരുടെ ശ്രമത്തിന് ശശി തരൂർ അംഗീകാരം നൽകിയതിന് തൊട്ടുപിന്നാലെയാണ് കൂടിക്കാഴ്ച്ച .

ശശി തരൂർ, പാർട്ടി നേതാക്കളായ ദീപേന്ദർ ഹൂഡ, ജയ് പ്രകാശ് അഗർവാൾ, വിജേന്ദ്ര സിങ് എന്നിവർക്കൊപ്പം സോണിയ ഗാന്ധിയെ കാണാൻ വസതിയിൽ എത്തി.

അധികാരമേറ്റ് ആദ്യ 100 ദിവസത്തിനുള്ളിൽ ഉദയ്പൂർ പ്രഖ്യാപനം പൂർണമായി നടപ്പാക്കണമെന്ന് പുതിയ പാർട്ടി അധ്യക്ഷനോട് ആവശ്യപ്പെട്ട് ചില യുവ കോൺഗ്രസ് പ്രവർത്തകർ നൽകിയ നിവേദനം ശശി തരൂർ നേരത്തെ അംഗീകരിച്ചിരുന്നു.

പാർട്ടിയിൽ ക്രിയാത്മകമായ പരിഷ്‌കാരങ്ങൾ ആവശ്യപ്പെട്ട് ഒരു കൂട്ടം യുവാക്കൾ പ്രചരിപ്പിക്കുന്ന ഈ നിവേദനത്തെ ഞാൻ സ്വാഗതം ചെയ്യുന്നു. ഇതുവരെ 650-ലധികം ഒപ്പുകൾ ശേഖരിച്ചു. അതിനെ അംഗീകരിക്കുന്നതിൽ എനിക്ക് സന്തോഷമുണ്ട്, ശശി തരൂർ ട്വീറ്റിൽ പറഞ്ഞു.

പാർട്ടി സ്ഥാനങ്ങൾ വഹിക്കുന്നതിന് 50 ശതമാനം നേതാക്കളും 50 വയസ്സിന് താഴെയുള്ളവരായിരിക്കണമെന്ന് ആവശ്യപ്പെടുന്നത് ഉൾപ്പെടെ, ഗാന്ധിയൻ ആശയങ്ങളും സംഘടനാ പരിഷ്കാരങ്ങളും പാലിക്കണമെന്ന് നിവേദനം ആവശ്യപ്പെടുന്നു.

അടുത്തിടെ, ശശി തരൂർ കോൺഗ്രസ് പ്രസിഡന്റ് സ്ഥാനത്തേക്ക് മത്സരിക്കാൻ ഒരുങ്ങുന്നതായി സൂചന നൽകിയിരുന്നു.