അന്യസംസ്ഥാന തൊഴിലാളികൾക്ക് ലഹരി വസ്തുക്കൾ വിൽപ്പന;ബംഗാൾ സ്വദേശിയെ തൊണ്ടി സഹിതം പൊക്കി

കോഴിക്കോട്:അന്യസംസ്ഥാന തൊഴിലാളികൾക്ക് കഞ്ചാവ് എത്തിക്കുന്ന ബംഗാൾ സ്വദേശി ബേപ്പൂരിൽ പിടിക്കപ്പെട്ടു.ബംഗാൾ സൗത്ത് 24 പർഗാനാസ് ജലപ്പാറ ദക്ഷിൺ ഹാരിപ്പൂർ സ്വദേശി സുമൽ ദാസ് (22) ആണ് അറസ്റ്റിലായത്.പിടിക്കപ്പെട്ടപ്പോൾ ഇയാളുടെ കൈവശം 200 ഗ്രാം കഞ്ചാവുമുണ്ടായിരുന്നു. ബംഗാളിൽ നിന്നും ലഹരി വസ്തുക്കൾ എത്തിച്ച് അന്യസംസ്ഥാന തൊഴിലാളികൾക്ക് വിതരണം ചെയ്തു വരുകയായിരുന്നു പ്രതി.

ബേപ്പൂരിലെയും പരിസരങ്ങളിലെയും ലോഡ്ജുകൾ കേന്ദ്രീകരിച്ച് അന്യമത്സ്യത്തൊഴിലാളികൾക്ക് വ്യാപകമായി കഞ്ചാവ് എത്തിക്കുന്നതായി പോലീസിനു വിവരം ലഭിച്ചിരുന്നു. തുടര്‍ന്ന് നടത്തിയ അന്വേഷണത്തില്‍ സുമൽദാസ് കഞ്ചാവ് വിൽക്കുന്നതായി എസ്ഐ കെ.ഷുഹൈബിന്റെ നേതൃത്വത്തിൽ നടത്തിയ അന്വേഷണത്തിൽ സ്ഥിരീകരിച്ചു. പിന്നീട് ഇയാളുടെ നീക്കങ്ങൾ പോലീസ് നിരീക്ഷിച്ച് വരികയായിരുന്നു. കഴിഞ്ഞ ദിവസം കഞ്ചാവുമായി വിൽപ്പനക്കെത്തിയ പ്രതിയെ ബേപ്പൂർ ഹാർബർ റോഡ് ജംക്ഷനിൽ നിന്നാണ് അറസ്റ്റ് ചെയ്തത്.