കോട്ടയം: മഹാത്മാ ഗാന്ധി സര്വകലാശാലയില് എസ്എഫ്ഐ പ്രവര്ത്തകര് പൊലീസിനെ ആക്രമിച്ചു. വിദ്യാര്ഥി യൂണിയന് തിരഞ്ഞെടുപ്പില് കെ എസ് യു-എസ്എഫ്ഐ പ്രവര്ത്തകര് തമ്മിലുണ്ടായ തര്ക്കത്തില് ഇടപെട്ട പൊലീസുകാരെയാണ് എസ്എഫ്ഐ പ്രവര്ത്തകര് ആക്രമിച്ചത്. എസ്ഐക്കും 9 പൊലീസുകാര്ക്കും പരിക്കേറ്റു.
മാത്രമല്ല കസ്റ്റഡിയിലെടുത്തവരെ പൊലീസ് വാന് തടഞ്ഞുവച്ച് മോചിപ്പിക്കാനും ശ്രമമുണ്ടായി. എസ്എഫ്ഐ കോട്ടയം ജില്ലാ സെക്രട്ടറി എം.എസ്. ദീപക്, ജില്ലാ ജോയിന്റ് സെക്രട്ടറി പ്രജിത് എന്നിവര് ഉള്പ്പെടെ 30 പേര്ക്കെതിരെ കേസ് എടുത്തതായി പൊലീസ് പറഞ്ഞു. ഒരാളെ അറസ്റ്റ് ചെയ്തു.
എസ്ഐ ടി എസ് റെനീഷ്, സിവില് പൊലീസ് ഓഫിസര്മാരായ ശ്രീകാന്ത്, അജിത് കുമാര്, ശ്രീജിത്, ബിനീഷ്, ജസ്റ്റിന്, രാഹുല്, ഷൈജു കരുവിള, അജിത്ത്, വനിതാ സിവില് പൊലീസ് ഓഫിസര് വേണി എന്നിവര്ക്കാണ് പരുക്കേറ്റത്. ഇവര് മെഡിക്കല് കോളജ് ആശുപത്രിയില് ചികിത്സ തേടി.
വോട്ട് ചെയ്യാന് വന്ന കെ എസ് യു പ്രതിനിധിയെ ക്യാംപസിനുള്ളില് എസ്എഫ്ഐ പ്രവര്ത്തകര് തടഞ്ഞതാണ് സംഘര്ഷത്തിന് തുടക്കം കുറിച്ച സംഭവം. കെ എസ് യു പ്രവര്ത്തകനെ രക്ഷിക്കാന് ശ്രമിച്ച പൊലീസ് സംഘത്തെ എസ്എഫ്ഐ പ്രവര്ത്തകര് ആക്രമിച്ചെന്നാണു കേസ്. പ്രതികളെ പൊലീസ് വാനില് കയറ്റുന്നതും എസ്എഫ്ഐ പ്രവര്ത്തകര് തടഞ്ഞു. ഇതോടെ പൊലീസ് ലാത്തി വീശി. പൊലീസിനെ ആക്രമിച്ചു പരുക്കേല്പിക്കല്, പൊലീസ് വാഹനം തടഞ്ഞുവയ്ക്കല്, ഔദ്യോഗിക കൃത്യനിര്വഹണത്തിനു തടസ്സം നില്ക്കല് തുടങ്ങിയ വകുപ്പുകള് പ്രകാരമാണ് കേസെടുത്തിരിക്കുന്നത്.
ഭാരതത്തിന് ചരിത്രനേട്ടം !കുതിച്ച് ഉയർന്ന് ഓഹരി വിപണി|INDIA
അബുദാബി: സൂപ്പർസ്റ്റാർ രജനീകാന്തിന് യുഎഇ ഗോൾഡൻ വിസ നൽകി ആദരിച്ച് അബുദാബി സർക്കാർ. അബുദാബിയിലെ ഡിസിടി ആസ്ഥാനത്ത് നടന്ന ചടങ്ങിൽ…
ജനാധിപത്യത്തിന്റെ രുചി ആവോളം ആസ്വദിക്കുന്ന കശ്മീരികൾ !
തിരുവനന്തപുരം: സംസ്ഥാനത്ത് വീണ്ടും ബാർ കോഴയ്ക്ക് നീക്കം. മദ്യനയത്തിലെ ഇളവിനു പകരമായി പണപ്പിരിവ് നിർദേശിച്ച് ബാർ ഉടമകളുടെ സംഘടന ഫെഡറേഷൻ…
മരണത്തിന് ശേഷവും തമിഴ്നാട് ഇന്നും ഭയത്തോടെ ഓർക്കുന്ന ഒരു കൊടും ക്രി-മി-ന-ൽ
ദില്ലി: ലോക്സഭ തെരഞ്ഞെടുപ്പിന്റെ ആറാംഘട്ട വോട്ടെടുപ്പ് നാളെ നടക്കും. എട്ടു സംസ്ഥാനങ്ങളിലും കേന്ദ്ര ഭരണ പ്രദേശങ്ങളിലുമായി 58 സീറ്റുകളിലേക്കാണ് വോട്ടെടുപ്പ്…