തിരുവനന്തപുരം ലോക്സഭാ മണ്ഡലത്തിലെ യുഡിഎഫ് സ്ഥാനാർത്ഥി ശശി തരൂരിനെതിരെയും 24-ന്യൂസിൻ്റെ മാനേജിംഗ് ഡയറക്ടർ .ശ്രീകണ്ഠൻ നായർ, റിപ്പോർട്ടർ ഷഫീദ് റാവുത്തർ എന്നിവർക്കെതിരെയും സംസ്ഥാന ചീഫ് ഇലക്ടറൽ ഓഫീസർക്ക് പരാതി നൽകി ബിജെപി .
24 ന്യൂസ് നടത്തിയ “മീറ്റ് ദ കാൻഡിഡേറ്റ്” അഭിമുഖത്തിൽ തിരുവനന്തപുരം മണ്ഡലത്തിലെ എൻഡിഎ സ്ഥാനാർത്ഥിയും കേന്ദ്രമന്ത്രിയുമായ രാജീവ് ചന്ദ്രശേഖറിനെതിരെ ശശി തരൂർ ഉന്നയിച്ച അടിസ്ഥാന രഹിതമായ ആരോപണങ്ങളിലാണ് പരാതി.
രാജീവ് ചന്ദ്രശേഖർ വോട്ടർമാർക്കും മതവിശ്വാസികൾക്കും പണം വാഗ്ദാനം ചെയ്ത് വോട്ടുകൾ നേടാൻ ശ്രമിക്കുന്നുവെന്നായിരുന്നു തരൂരിന്റെ ആരോപണം. എന്നാൽ ഈ ആരോപണങ്ങളെ പിന്തുണയ്ക്കുന്ന തെളിവുകൾ നൽകാൻ താൻ തയ്യാറല്ലെന്നും തരൂർ അഭിമുഖത്തിൽ പറഞ്ഞു.
പിന്നാലെ ചാനൽ തങ്ങളുടെ എല്ലാ സോഷ്യൽ മീഡിയ പ്ലാറ്റ്ഫോമുകളിലും അടിസ്ഥാനരഹിതമായ ഈ ആരോപണങ്ങൾ പ്രചരിപ്പിക്കുകയും അവയുടെ സാധുത പരിശോധിക്കാതെ ടെലിവിഷനിൽ സംപ്രേക്ഷണം ചെയ്യുകയും ചെയ്യുകയായിരുന്നു. ഇത് മാതൃകാ പെരുമാറ്റച്ചട്ടത്തിൻ്റെ നഗ്നമായ ലംഘനമാണെന്നും കൂടാതെ രാജീവ് ചന്ദ്രശേഖറിനെ അപകീർത്തിപ്പെടുത്താനുള്ള ബോധപൂർവമായ ശ്രമമാണെന്നും ചൂണ്ടിക്കാട്ടിയാണ് ബിജെപി പരാതി നൽകിയിരിക്കുന്നത്.
മാതൃകാ പെരുമാറ്റച്ചട്ടം ലംഘിച്ചതിനും, വ്യാജവാർത്തകൾ പ്രചരിപ്പിച്ചതിനും നടപടിയെടുക്കണമെന്നും , ന്യൂസ് ചാനലിൻ്റെ സോഷ്യൽ മീഡിയ അക്കൗണ്ടുകളിൽ നിന്ന് എൻഡിഎ സ്ഥാനാർത്ഥിയെ അപകീർത്തിപ്പെടുത്താൻ ലക്ഷ്യമിട്ടുള്ളവീഡിയോകൾ നീക്കം ചെയ്യാനും പ്രസ്തുത അഭിമുഖവും അനുബന്ധ ഭാഗങ്ങളും സംപ്രേക്ഷണം ചെയ്യുന്നതിൽ നിന്ന് ചാനലിനെ വിലക്കണമെന്നുമാണ് പരാതിയിൽ ബിജെപി ആവശ്യപ്പെടുന്നത്.
സ്ലൊവാക്യൻ പ്രധാനമന്ത്രി റോബർട്ട് ഫിക്കോയ്ക്ക് വെടിയേറ്റു. തലസ്ഥാന നഗരമായ ബ്രാട്ടിസ്ലാവയിൽനിന്നു 150 കിലോമീറ്ററോളം അകലെ ഹാൻഡ്ലോവയിൽ പാർട്ടി പരിപാടിയിൽ പങ്കെടുത്ത…
പത്തനംതിട്ടയിൽ നിന്ന് കാണാതായ 14 കാരനെ തമിഴ്നാട്ടിൽ നിന്ന് കണ്ടെത്തി. മല്ലപ്പള്ളി സ്വദേശി ആദിത്യനെയാണ് കണ്ടെത്തിയത്. ട്രെയിൻ യാത്രയ്ക്കിടെ മെർച്ചൻ്റ്…
തിരുവനന്തപുരം: പതിനാറുകാരിയായ മകളെ കഴുത്തുഞെരിച്ചു കൊന്ന സംഭവത്തിൽ അമ്മയ്ക്കും കാമുകനും ജീവപര്യന്തം കഠിനതടവ്. പറണ്ടോട് സ്വദേശിനി മഞ്ജു, കാമുകൻ അനീഷ്…
കോഴിക്കോട് : പന്തീരാങ്കാവില് ഭര്ത്തൃഗൃഹത്തില് നവ വധുപീഡനത്തിന് ഇരയായ സംഭവത്തിൽ പന്തീരാങ്കാവ് എസ്എച്ച്ഒ കൂടിയായ സിഐ എ എസ്.സരിനെ സസ്പെൻഡ്…
തിരുവനന്തപുരം : സംസ്ഥാനത്ത് ഡ്രൈവിംഗ് സ്കൂൾ ഉടമകൾ നടത്തി വന്ന സമരം പിൻവലിച്ചു. ഗതാഗതമന്ത്രി നടത്തിയ ചർച്ചയിലാണ് ഇക്കാര്യത്തിൽ തീരുമാനമായത്.…