ഗായിക ലതാ മങ്കേഷ്കറുടെ നില ​അതീവ ഗുരുതരം; പ്രാർത്ഥനയോടെ സംഗീതലോകം

മുംബൈ: ഗായിക ലതാ മങ്കേഷ്കറുടെ നില ​അതീവ ഗുരുതരമെന്ന് (Lata Mangeshkar Hospitalised) റിപ്പോർട്ട്. മുംബൈയിലെ സ്വകാര്യ ആശുപത്രിയിൽ വെന്റിലേറ്ററിൽ ചികിത്സയിൽ തുടരുകയാണ് ഇപ്പോൾ. ബ്രീച്ച് കാണ്ടി ആശുപത്രി റിപ്പോര്‍ട്ടനുസരിച്ച് ഗായികയുടെ ആരോഗ്യനില കൂടുതല്‍ മോശമായിക്കൊണ്ടിരിക്കുകയാണ്. ‘ലതാ മങ്കേഷ്‌കറിന്റെ ആരോഗ്യനില അപകടത്തിലാണ്. അവര്‍ ഇപ്പോള്‍ വെന്റിലേറ്ററിലാണ്’- എന്ന് ആശുപത്രി വൃത്തങ്ങള്‍ അറിയിച്ചു.

അതേസമയം നേരത്തെയും അവര്‍ വെന്റിലേറ്ററിലായിരുന്നെങ്കിലും ഗുരുതരാവസ്ഥ കുറഞ്ഞതിനെത്തുടര്‍ന്ന് പുറത്തെടുത്തിരുന്നു. ഇക്കഴിഞ്ഞ ജനിവരി 11നാണ് കോവിഡ് ബാധയെത്തുടർന്ന് ​ഗായികയെ ആശുപത്രിയിൽ പ്രവേശിപ്പിക്കുന്നത്. ന്യുമോണിയയും ​ഗായികയെ അലട്ടിയിരുന്നു.

1942-ൽ 13-ാം വയസ്സിൽ തന്റെ ചലച്ചിത്ര പിന്നണി ​ഗാനരം​ഗത്തേക്ക് കടന്ന ലതാ മങ്കേഷ്‌കർ നിരവധി ഇന്ത്യൻ ഭാഷകളിലായി 30,000-ത്തിലധികം ഗാനങ്ങൾ പാടി. ഇന്ത്യന്‍ സിനിമയിലെ ഏറ്റവും മികച്ച പിന്നണിഗായകരില്‍ ഒരാളായ ലതാ മങ്കേഷ്‌കറിന് 2001 ല്‍ ഭാരതരത്‌ന നല്‍കി രാജ്യം ആദരിച്ചിരുന്നു. പദ്മഭൂഷണ്‍, പദ്മവിഭൂഷണ്‍, ദാദാ സാഹിബ് ഫാല്‍ക്കെ പുരസ്‌കാരം, മറ്റ് നിരവധി പുരസ്‌കാരങ്ങള്‍ എന്നിവ ലഭിച്ച ലതാ മങ്കേഷ്‌കര്‍ ഇന്ത്യയുടെ വാനമ്പാടി എന്നാണ് അറിയപ്പെടുന്നത്.