തെലുങ്കാനയിൽ ദുരൂഹ സാഹചര്യത്തിൽ വീടിനു തീപിടിച്ച് ആറ് പേർ വെന്തു മരിച്ചു.കൊലപാതക സാധ്യതയിൽ പോലീസ് അന്വേഷണം തുടങ്ങി

തെലുങ്കാന : തെലുങ്കാന മഞ്ജീരം ജില്ലയിൽ വീടിന് തീ പിടിച്ച് ആറു പേർ വെന്തുമരിച്ചു .ഇന്ന് പുലർച്ചെയാണ് സംഭവം.മരിച്ചവരിൽ രണ്ടു കുട്ടികളും രണ്ടു സ്ത്രീകളും ഉൾപ്പെടുന്നു .ഗൃഹനാഥൻ ശിവയ്യ,ഭാര്യ രാജ്യലക്ഷ്മി,മകൾ മൗനിക,മൗനികയുടെ മക്കളായ ഹിമ ബിന്ദു ,സ്വീറ്റി ഇവരുടെ ബന്ധു ശാന്തയ്യ എന്നിവരാണ് മരിച്ചത് .വീടിനു സമീപത്തുനിന്നും രണ്ട് പെട്രോൾ ക്യാനുകൾ കണ്ടെടുത്തത്,സംഭവത്തിൽ ദുരൂഹതയുണ്ടാക്കുന്നു.കൊലപാതക സാധ്യതയിൽ പോലീസ് അന്വേഷണം തുടങ്ങി.
മരത്തൂണുകൾ കൊണ്ട് നിർമ്മിച്ച വീട് പൂർണ്ണമായും കത്തിനശിച്ചു. മഞ്ജീരം ജില്ലയിലെ വിപ്പള്ളി വെങ്കടപ്പൂർ ജില്ലയിലാണ് സംഭവം നടന്നത്. വീട് അകത്തു നിന്നും പൂട്ടിയ നിലയിലായിരുന്നു .പുലർച്ചെ ഒരു മണിയോടെയാണ് തീപിടുത്തമുണ്ടായത് .പാചക വാതക ചോർച്ചയോ ഷോർട് സെർക്യൂട്ടോ ആകാം അപകട കാരണം എന്ന നിഗമനത്തിൽ പോലീസ് എത്തിനിൽക്കുമ്പോഴാണ് വീടിനുപുറത്തു നിന്നും പെട്രോൾ ക്യാനുകൾ കണ്ടെത്തിയത്.