കൊച്ചി: വയനാട് ബത്തേരിയില് സര്വ്വജന സ്കൂളിലെ വിദ്യാര്ഥിനി ഷഹല ഷെറിന് പാമ്പുകടിയേറ്റ് മരിച്ച സംഭവത്തില് ഹൈക്കോടതി സ്വമേധയാ കേസെടുത്തു. ചീഫ് സെക്രട്ടറിയോടും ആരോഗ്യവകുപ്പ് സെക്രട്ടറിയോടും മറുപടി നല്കാനും നിര്ദ്ദേശിച്ചു. ജില്ലാ ജഡ്ജി നേരത്തെ സ്കൂളില് പരിശോധന നടത്തി വലിയ പിഴവുണ്ടായെന്ന് റിപ്പോര്ട്ട് നല്കിയിരുന്നു. ഈ റിപ്പോര്ട്ടിന്റെ അടിസ്ഥാനത്തിലാണ് ഹൈക്കോടതിയുടെ നടപടി.
പാമ്പു കടിയേറ്റ് ഷഹല ഷെറിന് മരിച്ച സംഭവത്തിന് പിന്നാലെ സ്കൂളില് പരിശോധന നടത്തിയ വയനാട് ജില്ലാ ജഡ്ജി നല്കിയ റിപ്പോര്ട്ടിലെ കണ്ടെത്തലുകള് ഇങ്ങനെയാണ്. പാമ്പുകടിയേറ്റിട്ടും അധ്യാപകര് കുട്ടിക്ക് ചികിത്സ നല്കിയില്ല. പ്രഥമ ശുശ്രൂഷ നല്കേണ്ടത് എങ്ങനെയെന്നുപോലും അധ്യാപര്ക്ക് അറിവുണ്ടായിരുന്നില്ല.
പിതാവ് വരുന്നതുവരെ കാത്തിരുന്നു. ഷഹലക്ക് പാമ്പുകടിയേറ്റ അതേ ക്ലാസ് മുറിയിലും സ്കൂള് പരിസരത്തും സമാനമായ നിരവധി മാളങ്ങളുണ്ട്. പുല്ലും കുറ്റിച്ചെടുകളും വളര്ന്ന് ദുരിത പൂര്ണമായ സാഹചര്യത്തിലാണ് സ്കൂള് പരിസരം. ഇതൊക്കെയായിട്ടും സ്കൂളിന് സര്ക്കാര് ഫിറ്റ്നെസ് സര്ട്ടിഫിക്കറ്റ് നല്കിയിട്ടുണ്ട്.
വിദ്യാഭ്യാസ വകുപ്പ് സ്കൂളിലെത്തി എന്തെങ്കിലും പരിശോധന നടത്തിയതായി രേഖകളിലെങ്ങും കാണാനില്ല. ജില്ലാ ജഡ്ജി നല്കിയ ഈ റിപ്പോര്ട്ടിന്റെ അടിസ്ഥാനത്തില് സ്വമേഥയാ കേസെടുക്കണമെന്നാവശ്യപ്പെട്ട് ജസ്റ്റിസ് ജയശങ്കരന് നമ്പ്യാര് നല്കിയ കത്തിന്റെ അടിസ്ഥാനത്തിലാണ് ചീഫ് ജസ്റ്റിസിന്റെ നടപടി.
ഷഹല ഷെറിന് ചികിത്സ നല്കുന്നതില് അധ്യാപകര്ക്ക് വീഴ്ച സംഭവിച്ചതായി അന്വേഷണ ഉദ്യോഗസ്ഥന് ഹൈക്കോടതിയില് നേരത്തെ വിശദീകരണം നല്കിയിരുന്നു. അധ്യാപകരുടെ മുന്കൂര് ജാമ്യാപേക്ഷയില് കോടതി അന്വേഷണ സംഘത്തിന്റെ വിശദീകരണം തേടിയിരുന്നു. ഇതിനുള്ള മറുപടിയായാണ് മാനന്തവാടി എഎസ്പി വൈഭവ സക്സേന റിപ്പോര്ട്ട് നല്കിയത്.
നിഴൽ പോലെ കൂടെ നടന്നവർ ഇനി അപരിചിതരാകും. വരുന്നത് കഠിനമായ സമയം.നക്ഷത്രക്കാർ സൂക്ഷിക്കൂ. ജ്യോതിഷ പണ്ഡിതൻ പാൽക്കുളങ്ങര ഗണപതി പോറ്റി…
വേദങ്ങളിലും ഉപനിഷത്തുകളിലും ബുദ്ധിയെയും വിജയത്തെയും കുറിച്ച് ആഴമേറിയ നിരീക്ഷണങ്ങളുണ്ട്. കേവലം ലൗകികമായ അറിവിനേക്കാൾ ഉപരിയായി, ജീവിതത്തെ ശരിയായ ദിശയിൽ നയിക്കാനുള്ള…
തിരുവനന്തപുരം: വെങ്ങാനൂർ പൗർണ്ണമിക്കാവ് ശ്രീ ബാല ത്രിപുര സുന്ദരി ദേവീ ക്ഷേത്രത്തിൽ ധനു മാസത്തിലെ പൗർണ്ണമി ദിനമായ നാളെ നട…
പത്തനംതിട്ട: പത്തനംതിട്ടയിൽ പോക്സോ കേസ് പ്രതിയ്ക്ക് ജാമ്യം നിന്ന് സിഐ. സൈബർ സെൽ സിഐ സുനിൽ കൃഷ്ണനാണ് പ്രതിയ്ക്ക് വേണ്ടി…
ശ്രീനഗർ: കഴിഞ്ഞ നവംബറിൽ ദില്ലി ചെങ്കോട്ടയ്ക്ക് സമീപം നടന്ന ഭീകരാക്രമണത്തിന്റെ അന്വേഷണത്തിന്റെ ഭാഗമായി ഷോപ്പിയാനിലെ പദ്പവൻ വനമേഖലയിൽ ദേശീയ അന്വേഷണ…
ഉത്തർപ്രദേശിൽ ഭൂമാഫിയയുടെ കൈകളിൽ നിന്ന് തന്റെ പിതൃസ്വത്ത് തിരിച്ചുപിടിക്കാൻ വർഷങ്ങളായി പോരാടിയ സൈനികന്റെ മകൾക്ക് പുതുവർഷത്തിൽ നീതി വാങ്ങി നൽകി…