സന്യാസിയുടെ ജനനേന്ദ്രിയം മുറിച്ച കേസ്; പറയാനുള്ളതെല്ലാം വൈകീട്ട് വെളിപ്പെടുത്തുമെന്ന് ഗംഗേശ്വാനന്ദ

തിരുവനന്തപുരം: ജനനേന്ദ്രിയം മുറിച്ച കേസിൽ മാധ്യമങ്ങളോട് പ്രതികരിച്ച് ഗംഗേശ്വാനന്ദ. നിർണായക വഴിത്തിരിവിന് പിന്നാലെയാണ് സ്വാമി മാധ്യമങ്ങളോട് പ്രതികരിച്ചത്. ഞാൻ സന്തോഷവാനാണ്, ദുഃഖം തോന്നിയിട്ടില്ല. വേദനയുണ്ടായിട്ടുണ്ട്, അത് ശരീരത്തിൻ്റെയാണ് ഗംഗേശ്വാനന്ദ പ്രതികരിച്ചു. ഞാൻ നിയമ സംവിധാനത്തിൽ വിശ്വസിക്കുന്നയാളാണെന്നും ഇപ്പോൾ കണ്ടത് പോസിറ്റീവായ ഒരു കാര്യമാണെന്നും അദ്ദേഹം കൂട്ടിച്ചേര്‍ത്തു.

കേസിലെ പരാതിക്കാരിയായ പെണ്‍കുട്ടിയും സുഹൃത്തും ചേർന്ന് ഗൂഡാലോചന നടത്തി ലിംഗം മുറിച്ചതെന്നാണ് ക്രൈംബ്രാഞ്ചിന്‍റെ അന്തിമറിപ്പോർട്ട്. ഗംഗേശാനന്ദ പീഡിപ്പിക്കാൻ ശ്രമിച്ചപ്പോൾ ആക്രമിച്ചുവെന്ന് ആദ്യം പരാതി നൽകിയ പെൺകുട്ടി പിന്നെ മൊഴി മാറ്റിപ്പറയുകയായിരുന്നു. ഇന്ന് വൈകുന്നേരം ഗംഗേശ്വാനന്ദ തിരുവനന്തപുരത്ത് വച്ച് മാധ്യമങ്ങളെ കാണും.