സ്വാമി മൃഡാനന്ദ ആധ്യാത്മിക പുരസ്കാരംപ്രമുഖ വേദപണ്ഡിതൻ ആചാര്യശ്രീ രാജേഷിന്

ആറാട്ടുപഴ സനാതന ധർമ പരിഷത്തിൻ്റെ സ്വാമി മൃഡാനന്ദ ആധ്യാത്മിക പുരസ്കാരം പ്രമുഖ വേദപണ്ഡിതൻ ആചാര്യശ്രീ രാജേഷിന്.. 10,000 രൂപയും ഫലകവും പ്രശസ്തിപത്രവും അടങ്ങുന്നതാണ് പുരസ്കാരം. ജനുവരി 11 ശനിയാഴ്ച രാവിലെ 9.30 ന് ആറാട്ടുപുഴ സ്വാമി മൃഡാനന്ദ നഗറിൽ (ശ്രീധർമ്മശാസ്താ ക്ഷേത്രസങ്കേതത്തിൽ) നടക്കുന്ന ഹിന്ദുമഹാസമ്മേളന വേദിയിൽ വെച്ച് പുരസ്കാരം നൽകും.

വേദങ്ങളിലെ ജ്ഞാനവിജ്ഞാനങ്ങളെ അധികരിച്ച് 105 ഗ്രന്ഥങ്ങൾ ഇദ്ദേഹം രചിച്ചിരിന്നു .ജാതിലിംഗ ഭേദമന്യേ വേദങ്ങളും വൈദികാചരണങ്ങളും പഠിപ്പിക്കുകയും പൊതുസമൂഹത്തിൽ പ്രചരിപ്പിക്കുകയും ചെയ്തു. ഇതിലൂടെ വൈദിക – ആധ്യാത്മിക രംഗത്ത് നൽകിയ സമഗ്ര സംഭാവനകൾ പരിഗണിച്ചാണ് ആചാര്യശ്രീ രാജേഷിന് പുരസ്കാരം നൽകുന്നത്.അതേസമയം സ്തുത്യർഹമായ സനാതനധർമ്മ പ്രചാരണ സംരക്ഷണപ്രവർത്തനങ്ങൾക്കുള്ള സ്വാമി മൃഡാനന്ദ സ്മാരക ആദ്ധ്യാത്മിക പുരസ്കാരം കഴിഞ്ഞവർഷം ആർഷവിദ്യാസമാജം സ്ഥാപകൻ ആചാര്യശ്രീ കെ.ആർ മനോജ് ജിയ്ക്ക് ആയിരിന്നു ലഭിച്ചിരുന്നത്