ചെന്നൈയില്‍ ഓറഞ്ച് അലര്‍ട്ട്; തമിഴ്നാട്ടില്‍ 24 ജില്ലകളില്‍ സ്കൂളുകള്‍ അടച്ചു; അതീവ ജാഗ്രത

ചെന്നൈ: തമിഴ്നാട്ടിൽ ശക്തമായ മഴ തുടരുന്നു. തെക്കൻ ബംഗാൾ കടലിൽ രൂപം കൊണ്ട അന്തരീക്ഷ ചുഴിയെത്തുടർന്ന് ഇന്നു തമിഴ്നാട്ടിലെ അഞ്ച് ജില്ലകളിൽ റെഡ് അലർട്ട്. തൂത്തുക്കുടി, തിരുനെൽവേലി, രാമനാഥപുരം, പുതുക്കോട്ട, നാഗപട്ടണം എന്നീ ജില്ലകളിലാണു റെഡ് അലർട്ട് പ്രഖ്യാപിച്ചത്. മഴ തുടരുന്ന സാഹചര്യത്തിൽ സംസ്ഥാനത്തെ 24 ജില്ലകളിലെ സ്കൂളുകൾക്കും അധികൃതർ അവധി പ്രഖ്യാപിച്ചു.

തൂത്തുക്കുടി, കന്യാകുമാരി, തിരുവാരൂർ, തെങ്കാശി ഉൾപ്പെടെയുള്ള ജില്ലകളിലാണ് അവധി. പുതുച്ചേരി, കാരയ്ക്കൽ എന്നിവടങ്ങളിലെ വിഭ്യാഭ്യാസ സ്ഥാപനങ്ങൾക്കും അവധിയാണ്. ചെന്നൈയിൽ നാളെ ഓറഞ്ച് അലർട്ട് പ്രഖ്യാപിച്ചിട്ടുണ്ട്. ചെന്നൈയില്‍ ഇന്നും നാളേയും ഓറഞ്ച് അലര്‍ട്ട് പ്രഖ്യാപിച്ചിരിക്കുകയാണ്. കനത്ത മഴ തുടരുന്ന പുതുച്ചേരിയില്‍ ഇന്നും നാളേയും എല്ലാ സ്കൂളുകള്‍ക്കും കോളേജുകള്‍ക്കും അവധി നല്‍കിയിട്ടുണ്ട്. തൂത്തുക്കോടി, തിരുച്ചെന്തൂര്‍ സുബ്രഹ്മണ്യ സ്വാമി ക്ഷേത്രം പൂര്‍ണമായും വെള്ളത്തിനടിയിലായി. രാമനാഥപുരം ജില്ലയിലും കനത്ത മഴ തുടരുകയാണ്.