TATWAMAYI BIG IMPACT!!! സമ്മേളന വേദിയിലേക്ക് ബിജെപി മാർച്ച്‌! മുഷറഫിന് ശ്രദ്ധാഞ്‌ജലി അർപ്പിക്കാനുള്ള പരിപാടി ഉപേക്ഷിച്ച് ഇടത് സംഘടന! കാർഗിൽ ബലിദാനികളെ അപമാനിക്കാനുള്ള നീക്കം പുറത്തു കൊണ്ടുവന്നത് തത്വമയി

തിരുവനന്തപുരം: രാജ്യം കാർഗിൽ വിജയത്തിന്റെ ഇരുപത്തഞ്ചാം വാർഷികം ആചരിക്കുന്ന വേളയിൽ ഇടത് അനുകൂല ബാങ്ക് ജീവനക്കാരുടെ സംസ്ഥാന സമ്മേളനത്തിൽ മുൻ പാക് പ്രസിഡന്റ് പർവേസ് മുഷാറഫിന് ശ്രദ്ധാജ്ഞലി അർപ്പിക്കാനുള്ള നീക്കം പൊളിഞ്ഞു. അഖിലേന്ത്യാ തലത്തിൽ പ്രവർത്തിക്കുന്ന ആൾ ഇന്ത്യ ബാങ്ക് എംപ്ലോയീസ് അസോസിയേഷന്റെ പോഷക ഘടകമായ ബാങ്ക് ഓഫ് ഇന്ത്യ സ്റ്റാഫ് യൂണിയൻ കേരളയുടെ ആലപ്പുഴ പൊളി ജോർജ്ജ് നഗറിലെ സമ്മേളന വേദിയിലേക്ക് നടത്തിയ ബിജെപി മാർച്ചും പ്രതിഷേധവും കാരണം പർവേസ് മുഷാറഫിനെ ആദരിക്കാനുള്ള നീക്കത്തിൽ സംഘാടകർ മാപ്പിരക്കുകയും നീക്കം ഉപേക്ഷിക്കുകയും ചെയ്തു. സമ്മേളന വേദിയിൽ എത്താമെന്നേറ്റ അതിഥികൾ ആരും ഇന്ന് എത്തിയിരുന്നില്ല. പരിപാടിയുടെ നോട്ടീസ് അടക്കം പുറത്തു വിട്ടുകൊണ്ട് തത്വമയി വാർത്ത റിപ്പോർട്ട് ചെയ്തതോടെ സംഘടനയ്‌ക്കെതിരെ വ്യാപക പ്രതിഷേധമാണ് ഉയർന്നത്.

ഉത്തരവാദികൾക്കെതിരെ രാജ്യദ്രോഹത്തിന് കേസെടുക്കണമെന്നും സംഘടനയുടെ അംഗീകാരം റദ്ദാക്കണമെന്നും ആവശ്യപ്പെട്ട് വിമുക്ത ഭടന്മാരുടെ സംഘടന അനന്തപുരി സോൾജിയേഴ്‌സ് നേരത്തെ കേന്ദ്ര ആഭ്യന്തര മന്ത്രി അമിത് ഷായ്ക്ക് പരാതി നൽകിയിരുന്നു. വിവിധ ദേശീയ സംഘടനകൾ ഇക്കാര്യത്തിൽ പ്രതിഷേധവുമായി രംഗത്തെത്തിയിട്ടുണ്ട്.

1999 ൽ പാക് സൈന്യവും ഭീകരരും കാർഗിലിൽ നുഴഞ്ഞു കയറിയതോടെയാണ് കാർഗിൽ യുദ്ധമുണ്ടായത്. ഈ നുഴഞ്ഞുകയറ്റത്തിന്റെയും രാജ്യത്തിന് നേരെ നടന്ന ആക്രമണത്തിന്റെയും മുഖ്യ സൂത്രധാരനായിരുന്നു അന്ന് പാക് പട്ടാള മേധാവിയായിരുന്ന ജനറൽ പർവേസ് മുഷാറഫ്. ഉയർന്ന പ്രദേശങ്ങൾ കീഴടക്കിയ ശത്രു സൈന്യത്തെ തുരത്തി പ്രദേശങ്ങൾ പിടിച്ചെടുക്കാൻ ഇന്ത്യൻ സൈന്യത്തിന് വലിയ പോരാട്ടം നടത്തേണ്ടിവന്നു. 527 സൈനികർ ഈ യുദ്ധത്തിൽ ബലിദാനികളായി. ശത്രു കയ്യേറിയ പ്രദേശങ്ങൾ തിരിച്ചു പിടിച്ച് രാജ്യം നേടിയ വിജയത്തിന്റെ ഇരുപത്തഞ്ചാം വാർഷികം ആഘോഷിക്കുന്ന സാഹചര്യത്തിലാണ് ഇടത് സംഘടന മുൻ പാക് പട്ടാള മേധാവിയെ ആദരിക്കാൻ നീക്കം നടത്തിയത്

https://twitter.com/TatwamayiNews/status/1817241265626353847?ref_src=twsrc%5Etfw