ആസിഡ് കഴിച്ച് അധ്യാപിക ജീവനൊടുക്കി; ഒന്നര വയസുള്ള കുഞ്ഞ് അതീവ ഗുരുതരാവസ്ഥയിൽ

അഗര്‍ത്തല: ത്രിപുരയില്‍ അധ്യാപിക ആസിഡ് കഴിച്ച്‌ ജീവനൊടുക്കി. ഒരു വയസുകാരനായ കുട്ടിക്കും യുവതി ആസിഡ് നൽകി. മുപ്പതുകാരിയായ റൂമിയാണ് ആത്മഹത്യ ചെയ്തത്. വീട്ടിലെ കടുത്ത ദാരിദ്ര്യത്തെ തുടര്‍ന്ന് ആത്മഹത്യ ചെയ്തെന്നാണ് പ്രാഥമിക നിഗമനം.

അതേസമയം അധ്യാപികയെ ജോലിയില്‍ നിന്ന് പിരിച്ചുവിട്ടതിനെ തുടര്‍ന്ന് ഇവരുടെ കുടുംബം കടുത്ത ദാരിദ്ര്യത്തിലായിരുന്നു. ഇതേ തുടര്‍ന്ന് കുട്ടിക്കും ആസിഡ് നല്‍കിയ ശേഷം ജീവനൊടുക്കാനായിരുന്നു ശ്രമം. യുവതിയുടെ വീട്ടില്‍ നിന്ന് 5 പേജുള്ള ആത്മഹത്യാക്കുറിപ്പും പൊലീസ് കണ്ടെത്തുകയുണ്ടായി. കുടുംബജീവിതത്തിലെ അസംതൃപ്തിയും ആത്മഹത്യാക്കുറിപ്പില്‍ പറയുന്നു.

അതേസമയം വീട്ടില്‍ നിന്ന് സള്‍ഫ്യൂരിക്കാസിഡിന്റെ കുപ്പി പൊലീസ് കണ്ടെടുത്തു. യുവതിയെ ആദ്യം സമീപത്തെ ആശുപത്രിയിലെത്തിച്ചിരുന്നു. എന്നാൽ പിന്നീട് തുടര്‍ചികിത്സയ്ക്കായി അഗര്‍ത്തലയിലെ മെഡിക്കല്‍ കോളജില്‍ എത്തിച്ചു. ഇവിടെ വച്ചാണ് യുവതി മരിച്ചത് . അതേസമയം ഒരു വയസുള്ള കുട്ടിയുടെ നില ഗുരുതരമാണെന്ന് പൊലീസ് പറഞ്ഞു . യുവതിയുടെ ഭര്‍ത്താവിനും അധ്യാപന ജോലി സമീപകാലത്ത് നഷ്ടമായിരുന്നു . ഭര്‍ത്താവ് വീട്ടില്‍ ഇല്ലാത്തപ്പോഴായിരുന്നു യുവതി ആത്മഹത്യക്ക് ശ്രമിച്ചതെന്നും പൊലീസ് പറയുന്നു .