അഡ്‌ലെയ്ഡ്: ബോര്‍ഡര്‍- ഗവാസ്‌കര്‍ ട്രോഫിയില്‍ ഓസ്‌ട്രേലിയക്കെതിരായ ഒന്നാം ക്രിക്കറ്റ് ടെസ്റ്റിനുള്ള ഇന്ത്യയുടെ പ്ലെയിങ് ഇലവനെ പ്രഖ്യാപിച്ചു. പരിശീലന മല്‍സരത്തില്‍ മികച്ച ബാറ്റിങ് കാഴ്ചവച്ച ശുഭ്മാന്‍ ഗില്‍, നിശ്ചിത ഓവര്‍ ക്രിക്കറ്റില്‍ ഉജ്ജ്വല ഫോമില്‍ കളിക്കുന്ന കെഎല്‍ രാഹുല്‍, പരിശീലന മല്‍സരത്തില്‍ സെഞ്ച്വറി നേടിയ റിഷഭ് പന്ത് എന്നിവര്‍ ഇന്ത്യയുടെ പ്ലെയിങ് ഇലവനില്‍ നിന്നും പുറത്തായി. ഗില്‍, രാഹുല്‍ എന്നിവര്‍ക്കു പകരം മോശം ഫോമിലുള്ള പൃഥ്വി ഷായെയാണ് ഇന്ത്യ ഓപ്പണര്‍മാരില്‍ ഒരാളായി തിരഞ്ഞെടുത്തിരിക്കുന്നത്. ടെസ്റ്റില്‍ സ്ഥിരം ഓപ്പണിങ് സ്ഥാനം വഹിക്കുന്ന മായങ്ക് അഗര്‍വാള്‍ തന്നെയാണ് പൃഥ്വിയുടെ പങ്കാളി. ദിവസങ്ങള്‍ക്കു മുമ്പ് നടന്ന ത്രിദിന പിങ്ക് ബോള്‍ മല്‍സരത്തില്‍ സെഞ്ച്വറി നേടിയ പന്ത് ആദ്യ ടെസ്റ്റില്‍ ടീമിലുണ്ടാവുമെന്നായിരുന്നു നേരത്തേയുള്ള സൂചനകള്‍. എന്നാല്‍ പന്തിനു പകരം പരിചയസമ്പന്നനായ വൃധിമാന്‍ സാഹയെയാണ് ആദ്യ ടെസ്റ്റില്‍ ഇന്ത്യ ഉള്‍പ്പെടുത്തിയത്.
പിങ്ക് ബോള്‍ ടെസ്റ്റില്‍ ജസ്പ്രീത് ബുംറ, മുഹമ്മദ് ഷമി എന്നിവര്‍ക്കൊപ്പം മൂന്നാം പേസറായി ഉമേഷ് യാദവ് കളിക്കും. ടീമിലെ ഏക സ്പിന്നര്‍ ആര്‍ അശ്വിനാണ്. നവദീപ് സെയ്നി, മുഹമ്മദ് സിറാജ് എന്നിവരെ മറികടന്നാണ് പരിചയസമ്പന്നായ യാദവ് ഇന്ത്യയുടെ പ്ലെയിങ് ഇലവനിലെത്തിയത്.
ഇന്ത്യയുടെ പ്ലെയിങ് ഇലവന്‍
മായങ്ക് അഗര്‍വാള്‍, പൃഥ്വി ഷാ, ചേതേശ്വര്‍ പുജാര, വിരാട് കോലി (ക്യാപ്റ്റന്‍), അജിങ്ക്യ രഹാനെ, ഹനുമാ വിഹാരി, വൃധിമാന്‍ സാഹ, ആര്‍ അശ്വിന്‍, ജസ്പ്രീത് ബുംറ, മുഹമ്മദ് ഷമി, ഉമേഷ് യാദവ്.
നോയിഡയിലെ ഉത്തർപ്രദേശ് പോലീസിന്റെ കാര്യക്ഷമമായ അന്വേഷണ സംവിധാനങ്ങൾക്ക് മുന്നിൽ വെല്ലുവിളിയുയർത്തി സൂപ്പർനോവ കെട്ടിട സമുച്ചയത്തിൽ ദാരുണമായ ഒരു ദുരന്തം സംഭവിച്ചു.…
അസാമാന്യ ധീരതയിലൂടെ 174 ജീവനുകൾ രക്ഷിച്ച് ലോകത്തിന്റെ ആദരവ് ഏറ്റുവാങ്ങിയ ഭാരതീയ പൈലറ്റ് ക്യാപ്റ്റൻ സ്മിത് മച്ചാറിനെ നേരിൽ സന്ദർശിച്ച്…
അന്താരാഷ്ട്ര വിപണിയിൽ അസംസ്കൃത എണ്ണവിലയും ഉൽപാദനച്ചെലവും കുതിച്ചുയരുന്നതിനിടെ രാജ്യത്തെ സ്വകാര്യ ഇന്ധന വിതരണ കമ്പനിയായ 'നയാര എനർജി' (Nayara Energy)…
ചില വിജയങ്ങൾക്ക് മെഡലുകളുടെ തിളക്കത്തേക്കാൾ കൂടുതൽ, തകർന്നുപോയ പ്രതീക്ഷകളുടെ വീണ്ടെടുപ്പിന്റെ കഥയാണ് പറയാനുണ്ടാകും.കണ്ണടച്ച് കഴിഞ്ഞ വർഷങ്ങളിലേക്ക് ഒന്നോടിച്ചു നോക്കൂ. ഒളിമ്പിക്സ്…
ഗുവാഹത്തി: അസ്സമിന്റെ പരമ്പരാഗത മുള സമ്പത്തിനെ ആധുനിക സാങ്കേതികവിദ്യയുമായി ബന്ധിപ്പിച്ച് പുതിയൊരു സാമ്പത്തിക സാധ്യത തുറക്കാനുള്ള ശ്രമത്തിലാണ് മുഖ്യമന്ത്രി ഹിമന്ത…
ഏഷ്യൻ ഗെയിംസ് 2026-ൽ ഏഷ്യൻ കായിക ഭൂപടത്തിൽ ഭാരതത്തിന്റെ വെന്നിക്കൊടി വീണ്ടും വാനോളമുയരുന്നു. തപ്പിയുണർന്ന കായികശേഷിയും ഉറച്ച ആത്മവിശ്വാസവുമായി കളത്തിലിറങ്ങിയ…