ന്യൂയോർക്കിലെ ജോൺ എഫ് കെന്നഡിവിമാനത്താവളത്തിലെ ഒന്നാം ടെർമിനൽ രണ്ടാം ദിവസവും അടച്ചിട്ടു; വൈദ്യുത പാനലിലുണ്ടായ അഗ്നി ബാധകാരണമെന്ന് വിശദീകരണം

ന്യൂയോർക്ക് : ലോകത്തിലെ ഏറ്റവും തിരക്കേറിയ വിമാനത്താവളങ്ങളിൽ ഒന്നായ ന്യൂയോർക്കിലെ ജോൺ എഫ് കെന്നഡി ഇന്റർനാഷണൽ എയർപോർട്ട് (ജെഎഫ്കെ) ഒന്നാം ടെർമിനൽ തുടർച്ചയായ രണ്ടാം ദിവസവും അടച്ചിട്ടു. കൊറിയ എയർ, ജപ്പാൻ എയർലൈൻസ്, ലുഫ്താൻസ, ടർക്കിഷ് എയർലൈൻസ്, എയർ ഫ്രാൻസ് തുടങ്ങിയ വിമാനകമ്പനികളുടെ പ്രധാന വരുമാന സ്രോതസ്സാണ് ഈ വിമാനത്താവളം. വൈദ്യുത പാനൽ തകരാറിലായതിനെ തുടർന്നുണ്ടായ തീപിടിത്തത്തെ തുടർന്നാണ് വിമാനത്താവളം അടച്ചത് എന്നാണ് റിപ്പോർട്ടുകൾ .വിമാനത്താവളത്തിന്റെ ഔദ്യോഗിക വെബ്‌സൈറ്റ് നൽകുന്ന വിവരങ്ങൾ അനുസരിച്ച്, മൊത്തം 58 ഫ്ലൈറ്റുകൾ വിമാനത്താവളത്തിൽ വൈകുകയോ റദ്ദാക്കുകയോ ചെയ്തു.

വിമാനത്താവളത്തിലേക്ക് വരുന്നതിന് മുമ്പ് യാത്രക്കാർ തങ്ങളുടെ വിമാന കമ്പനിയുമായി ബന്ധപ്പെട്ട് ഫ്ലൈറ്റ് സ്റ്റാറ്റസ് പരിശോധിക്കണമെന്ന് വിമാനത്താവളം മുന്നറിയിപ്പ് നൽകിയിട്ടുണ്ട് .