യുവതി പ്രവേശനവുമായി ബന്ധപ്പെട്ട സുപ്രീംകോടതി വിധിയെ തുടർന്ന് നടത്തിയ നാമജപഘോഷയാത്ര; പന്തളത്തു നിന്നും ആരംഭിച്ച നാമജപഘോഷയാത്രയുടെ നാലാം വാർഷികം ആചാരസംരക്ഷണ ദിനമായി ആചരിച്ചു

പന്തളം : 2018 സെപ്റ്റംബർ 28 ലെ യുവതി പ്രവേശനവുമായി ബന്ധപ്പെട്ട സുപ്രീംകോടതിയുടെ വിധിയെ തുടർന്ന് ശബരിമലയിലെ പരമ്പരാഗത ആചാരങ്ങളും അനുഷ്ടനങ്ങളും സംരക്ഷിക്കണം എന്ന ആവശ്യവുമായി ലക്ഷക്കണക്കിന് അയ്യപ്പ ഭക്ടന്മാർ പങ്കെടുത്തുകൊണ്ട് പന്തളത്തു നിന്നും 2018 ഒക്ടോബർ 2 ന് തുടക്കം കുറിച്ച നാമജപഘോഷയാത്രയുടെ നാലാം വാർഷികം ആചാരസംരക്ഷണ ദിനമായി ആചരിച്ചു. പന്തളത്തു നിന്നും ആരംഭിച്ച ഈ ഘോഷയാത്രയാണ് പിന്നീട് ലോകമെമ്പാടുമുള്ള അയ്യപ്പ ഭക്‌തർ ഏറ്റെടുത്ത് മുൻപോട്ട് കൊണ്ടുപോയത്.

ക്ഷേത്ര ആചാര സംരക്ഷണ സമിതി യുടെയും പന്തളം കൊട്ടാരത്തിന്റെയും നേതൃത്വത്തിൽ പന്തളം തിരുവാഭരണ മാളികയിൽ നടന്ന ചടങ്ങിൽ കൊട്ടാരം നിർവഹക സംഘം സെക്രട്ടറി ശ്രീ നാരായണവർമ്മ അധ്യക്ഷത വഹിച്ചു. ചടങ്ങിൽ കൊട്ടാരം നിർവഹക സംഘം പ്രസിഡണ്ട്‌ ശ്രീ.പി.ജി ശശികുമാരവർമ മുഖ്യ പ്രഭാഷണം നടത്തി.

ശബരി മലയിലെ പരമ്പരാഗത ആചാരങ്ങളും അനുഷ്ടനങ്ങളും സംരക്ഷിക്കപ്പെടേണ്ടത് അനിവാര്യം ആണെന്നും അതിനായി ഇതു സംബന്ധിച്ച് കൂടുതൽ അറിവുകൾ സ്വായത്തമാക്കി അതിന്റെ തനിമ ചോരാതെ വരും തലമുറയ്ക്ക് പറന്നു നൽകാനുള്ള ബാധ്യത നമ്മുക്ക് ഉണ്ട്‌ എന്നും അദ്ദേഹം ഓർമ്മിപ്പിച്ചു. മുതിർന്ന തിരുവാഭരണ പേടകവാഹക സംഘാംഗം ശ്രീ.ശിവൻ പിള്ള സ്വാമി ശബരിമല തീർത്ഥാടനവും ആചാര അനുഷ്ടനങ്ങളും എന്ന വിഷയത്തിൽ പ്രഭാഷണം നടത്തി.

തുടർന്ന് തിരുവാഭരണ പേടകവാഹക സംഘത്തിന്റെയും, മേനാവു വാഹക സംഘത്തിന്റെയും നേതൃത്വത്തിൽ ശരണഘോഷവും ഭജനയും നടന്നു.യോഗത്തിന് ക്ഷേത്ര ആചാര സംരക്ഷണ സമിതി സെക്രട്ടറി ശ്രീ അനിൽ കുമാർ എം.ആർ സ്വാഗതയും ട്രഷറർ Adv.അനിൽ സി. ഡി കൃതജ്ഞതയും രേഖപ്പെടുത്തി.യോഗത്തിൽ അയ്യപ്പ സേവാസമാജം ജില്ലാ സെക്രട്ടറി ശ്രീ വേണുഗോപാൽ, സേവാഭാരതി മുഖ്യകാര്യദർശി ശ്രീ സന്തോഷ് കുമാർ,ശ്രീമതി ദീപ വർമ്മ എന്നിവർ സംസാരിച്ചു