മുട്ടക്കാട് 517-ാം നമ്പർ എൻഎസ്എസ് കരയോഗ വാർഷിക പൊതുയോഗവും കുടുംബസംഗമവും നടന്നു ; നാരായണീയശ്രീ പുരസ്കാരം ലഭിച്ച ലളിതാഭായി അമ്മയെയും വിവിധ പരീക്ഷകളിൽ ഉന്നത വിജയം കരസ്ഥമാക്കിയ വിദ്യാർത്ഥികളെയും അനുമോദിച്ചു

മുട്ടക്കാട് 517 നമ്പർ എൻഎസ്എസ് കരയോഗത്തിന്റെ വാർഷിക പൊതുയോഗവും കുടുംബ സംഗമവും അവാർഡ് വിതരണവും എൻഎസ്എസ് വൈസ് പ്രസിഡന്റും തിരുവനന്തപുരം താലൂക്ക് എൻഎസ്എസ് കരയോഗ യൂണിയൻ പ്രസിഡന്റുമായ എം സംഗീത് കുമാർ ഉദ്ഘാടനം ചെയ്തു. കരയോഗം പ്രസിഡന്റ് എസ്. വിജയൻ നായർ അദ്ധ്യക്ഷത വഹിച്ച ചടങ്ങിൽ നാരായണീയശ്രീ പുരസ്കാരം ലഭിച്ച ലളിതാഭായി അമ്മയെയും, എൽഎൽബി പരീക്ഷയിൽ പതിമൂന്നാം റാങ്ക് കരസ്ഥമാക്കിയ അഡ്വക്കേറ്റ് ശിവാനി എൽഎസിനെയും, പഞ്ചാബ് സെൻട്രൽ യൂണിവേഴ്സിറ്റിയിൽ നിന്നും എംഎ ജേർണലിസം ആൻഡ് മാസ് കമ്മ്യൂണിക്കേഷൻ വിഷയത്തിൽ നാലാം റാങ്ക് നേടിയ ദേവിക സുരേഷിനെയും ആദരിച്ചു. കൂടാതെ ഉന്നത വിജയം കരസ്ഥമാക്കിയ വിദ്യാർത്ഥികൾക്ക് മെമന്റോകളും ക്യാഷ് അവാർഡുകളും പഠനോപകരണങ്ങളും നൽകി അനുമോദിച്ചു.

കരയോഗം സെക്രട്ടറി കെ. മോഹനൻ നായർ സ്വാഗതം ആശംസിച്ച ചടങ്ങിൽ ജോയിന്റ് സെക്രട്ടറി സുധീർ എസ് കൃതജ്ഞത രേഖപ്പെടുത്തി. എൻഎസ്എസ് തിരുവല്ലം മേഖല കൺവീനർ വിജയകുമാരൻ നായർ എൻഎസ്എസ് പ്രതിനിധി സഭാംഗവും സായി ഗ്രൂപ്പ് മാനേജിംഗ് ഡയറക്ടറുമായ എം എസ് പ്രസാദ് യൂണിയൻ പ്രതിനിധികളായ ബി രാമചന്ദ്രൻ നായർ,ജയപ്രകാശ് ജെ, ഇലക്ട്രൽ റോൾ അംഗം എസ് സുഭാഷ്, വനിതാ സമാജം പ്രസിഡന്റ് ഗീതാമണി എസ്, സുജാ റാണി എന്നിവർ സംസാരിച്ചു.. കരയോഗം സെക്രട്ടറി പ്രവർത്തന റിപ്പോർട്ട് അവതരിപ്പിക്കുകയും കരയോഗം ട്രഷറർ സന്തോഷ് കുമാർ വി.ആർ. വരവ് ചെലവ് കണക്ക് അവതരിപ്പിക്കുകയും ചെയ്തു. പൊതുയോഗത്തിൽ വച്ച് എൻഎസ്എസ് താലൂക്ക് യൂണിയൻ വക തേവാരത്ത് ശ്രീ മഹാവിഷ്ണു വാസുകി നാഗരാജ ക്ഷേത്രത്തിന്റെ പുനരുദ്ധാരണ പ്രവർത്തനങ്ങൾക്ക് മുട്ടക്കാട് എൻഎസ്എസ് കരയോഗവും വനിതാ സമാജവും സ്വയം സഹായ സംഘങ്ങളും ചേർന്ന് പതിനായിരം രൂപ സംഭാവനയായി താലൂക്ക് യൂണിയന് നൽകുകയുണ്ടായി.

പൊതുയോഗത്തോടനുബന്ധിച്ച്, എൻഎസ്എസ് താലൂക്ക് യൂണിയൻ വക തേവാരത്ത് ശ്രീ മഹാവിഷ്ണു വാസുകി നാഗരാജ ക്ഷേത്രത്തിന്റെ പുനരുദ്ധാരണ പ്രവർത്തനങ്ങൾക്കായി മുട്ടക്കാട് എൻഎസ്എസ് കരയോഗവും വനിതാ സമാജവും സ്വയം സഹായ സംഘങ്ങളും ചേർന്ന് പതിനായിരം രൂപയുടെ സംഭാവന താലൂക്ക് യൂണിയന് കൈമാറി. കരയോഗം മുൻ പ്രസിഡന്റ് പരേതനായ ശ്രീ ഗോപാലകൃഷ്ണൻ നായരുടെ ഓർമ്മയ്ക്കായി മെമന്റോകൾ സ്പോൺസർ ചെയ്ത കുടുംബാംഗങ്ങൾക്കും, ക്യാഷ് അവാർഡുകൾ സ്പോൺസർ ചെയ്ത കരയോഗ അംഗങ്ങൾക്കും, പ്രതികൂല കാലാവസ്ഥയിലും പൊതുയോഗത്തിൽ സജീവമായി പങ്കെടുത്ത എല്ലാ കരയോഗ കുടുംബാംഗങ്ങൾക്കും ഭരണസമിതി നന്ദി രേഖപ്പെടുത്തി.