ആന സെൻസസ്;മൂന്ന് ദിവസം നീണ്ടുനിന്ന കാട്ടാനകളുടെ കണക്കെടുപ്പ് ഇന്ന് പൂർത്തിയാകും

ആന സെൻസസ് ഇന്ന് പൂർത്തിയാകും.മൂന്ന് ദിവസം നീണ്ട് നിന്ന കണക്കെടുപ്പാണ് ഇന്ന് പൂർത്തിയാവുക.കേരളം, ആന്ധ്രാ, തമിഴ്‌നാട്, കേരളം, ഗോവ എന്നീ അഞ്ച് ദക്ഷിണേന്ത്യൻ സംസ്ഥാനങ്ങളുടെ കണക്കെടുപ്പാണ് ഒരുമിച്ച് നടക്കുന്നത്.അതിൽ കേരളത്തിന്റെ കണക്കെടുപ്പ് ഇന്ന് പൂർത്തിയാകും.വന്യജീവികളുടെ പ്രധാനമായി ആനയുടെ ആക്രമണം വർദ്ധിച്ച് വരുന്ന ഈ സാഹചര്യത്തിലാണ് കണക്കെടുപ്പ് നടത്തിയത്.

അതേസമയം വന്യജീവികളുടെ എണ്ണം കൂടിയിട്ടുണ്ടെന്നാണ് വനം മന്ത്രി എ കെ ശശീന്ദ്രൻ പറയുന്നത്. അതുകൊണ്ട് തന്നെ വന്യജീവികളുടെ കണക്കെടുപ്പ് നടത്തുകയാണെന്നും പശ്ചിമഘട്ടം വ്യാപിച്ച് കിടക്കുന്ന സംസ്ഥാനങ്ങളിലെയെല്ലാം കണക്കെടുപ്പ് ഒരേ സമയം നടത്തിയിട്ടേ കാര്യമുള്ളുവെന്നും അങ്ങനെയാണ് 17,18,19 തിയതികളിൽ കണക്കെടുപ്പ് നടത്താൻ തീരുമാനിച്ചതെന്നും ഓരോ ക്ലസ്റ്ററുകളായി തിരിച്ചാണ് കണക്കെടുപ്പ് നടത്തുന്നതെന്നും മന്ത്രി വ്യക്തമാക്കി.