മുഖ്യമന്ത്രിക്ക് വീണ്ടും കുരുക്ക്! നവകേരള സദസ്സിന്റെ സാമ്പത്തിക ക്രമക്കേടിൽ വിശദീകരണം തേടികേന്ദ്രം; നടപടി കേന്ദ്ര ഫണ്ട് ഉൾപ്പെടെ വകമാറ്റിയെന്ന പരാതിയിൽ

ദില്ലി: നവകേരള സദസ്സിന്റെ സാമ്പത്തിക ക്രമക്കേടിൽ വിശദീകരണം തേടി കേന്ദ്രസർക്കാർ. കേന്ദ്ര ഫണ്ട് ഉൾപ്പെടെ വകമാറ്റിയെന്ന പരാതിയുടെ അടിസ്ഥാനത്തിലാണ് നടപടി. കേന്ദ്ര ധനകാര്യ മന്ത്രാലയം ചീഫ് സെക്രട്ടറിയോടാണ് വിശദീകരണം തേടിയിരിക്കുന്നത്.

മുഖ്യമന്ത്രിയുടെയും മന്ത്രിമാരുടെയും നേതൃത്വത്തിൽ 140 നിയോജക മണ്ഡലങ്ങളിലായാണ് നവകേരള സദസ്സ് സംഘടിപ്പിച്ചത്. ജനങ്ങളുടെ പരാതിയൾ കേൾക്കാനായി അവർക്കിടയിലേക്ക് ഇറങ്ങി ചെല്ലുന്നുവെന്നും പരാതികൾ കേട്ട് ഉടൻ തന്നെ അവയ്‌ക്ക് പരിഹാരം നൽകുമെന്നുമായിരുന്നു വാദം. എന്നാൽ കേരളത്തിൽ അങ്ങോളമിങ്ങോളം അതിക്രമങ്ങളും അക്രമങ്ങളും മാത്രമാണുണ്ടായത്.

കടുത്ത സാമ്പത്തിക പ്രതിസന്ധിയിലൂടെ കടന്നുപോകുന്ന വേളയിൽ നവകേരള സദസ്സിന്റെ പ്രചാരണത്തിനായി മാത്രം 25 കോടി രൂപയാണ് സർക്കാർ‌ ഖജനാവിൽ നിന്ന് ധൂർത്തടിച്ചത്. 1.5 കോടി രൂപയുടെ ബസും മറ്റ് സന്നാഹങ്ങളും ഏറെ ചർച്ച ചെയ്യപ്പെട്ടിരുന്നു. ഇതിനിടെയിാലണ് കേന്ദ്രം വിശദീകരണം തേടിയിരിക്കുന്നത്.