കേരള രാജ്ഭവനില്‍ വിദ്യാരംഭം ; വിജയ ദശമി ദിനത്തിൽ കുരുന്നുകളെ അറിവിന്റെയും അക്ഷരത്തിന്റെയും ലോകത്ത് ആനയിച്ചു കൊണ്ട് ഗവര്‍ണര്‍ ആരിഫ് മുഹമ്മദ് ഖാന്‍ ചടങ്ങിൽ ആദ്യാക്ഷരം എഴുതിക്കും; രാജ്ഭവനില്‍ വിദ്യാരംഭത്തിന് അവസരം ലഭിക്കുക 20 ന് മുമ്പ് രജിസ്റ്റർ ചെയ്യുന്ന കുട്ടികൾക്ക് !

തിരുവനന്തപുരം : കേരള രാജ്ഭവനില്‍ ഈ മാസം 24ന് രാവിലെ വിദ്യാരംഭ ചടങ്ങ് നടക്കും. കുരുന്നുകളെ അറിവിന്റെയും അക്ഷരത്തിന്റെയും ലോകത്ത് ആനയിച്ചു കൊണ്ട് ഗവര്‍ണര്‍ ആരിഫ് മുഹമ്മദ് ഖാന്‍ ചടങ്ങിൽ ആദ്യാക്ഷരം എഴുതിക്കും. ഈ മാസം 20-ന് മുമ്പ് രജിസ്റ്റര്‍ ചെയ്യുന്ന കുട്ടികള്‍ക്കാണ് രാജ്ഭവനില്‍ വിദ്യാരംഭത്തിന് അവസരം ലഭിക്കുക. വിശദശാംശങ്ങൾക്കും സംശയ നിവാരണത്തിനും 0471-2721100 എന്ന നമ്പറിൽ ബന്ധപ്പെടാവുന്നതാണ്. നവരാത്രി ആഘോഷങ്ങളുടെ സമാപനമാണ് വിജയദശമി.കേരളത്തിൽ വിജയദശമി ദിനമാണ് വിദ്യാരംഭം ആയി ആചരിക്കുന്നത്.

നവരാത്രി ആഘോഷങ്ങളുടെ പത്താം ദിനമാണ് വിജയദശമി അല്ലെങ്കിൽ ദസറ ആഘോഷിക്കുന്നത്. ‘ദശരാത്രി’കളിൽ ആഘോഷിക്കുന്ന ഉത്സവമായതിനാലാണ് ദസറ എന്ന പേരുവന്നത്. ഭാരതത്തിന്റെ വടക്ക്, തെക്ക് സംസ്ഥാനങ്ങളിൽ, ദസറ എന്നത് രാക്ഷസ രാജാവായ രാവണനുമേൽ ശ്രീരാമൻ നേടിയ വിജയം ആഘോഷിക്കുന്ന ഉത്സവമാണ്. വടക്കു കിഴക്കൻ സംസ്ഥാനങ്ങളിൽ അസുര രാജാവായ മഹിഷാസുരനെ ദുർഗാ ദേവി വധിച്ചതിന്റെ ആഘോഷമാണ്. ദുർഗ പൂജ ആഘോഷങ്ങളുടെ അവസാനം കൂടിയാണ് ഈ ദിനം.