മോദിയുമായി സംവാദം നടത്താൻ ഇൻഡി മുന്നണിയുടെ പ്രധാനമന്ത്രി സ്ഥാനാർത്ഥി രാഹുൽ ആണോ ;​ വിമർശനവുമായി സ്മൃതി ഇറാനി

ദില്ലി : കോൺഗ്രസ് നേതാവ് രാഹുൽ ഗാന്ധിയെ പരിഹസിച്ച് കേന്ദ്രമന്ത്രിയും അമേഠിയിലെ എൻഡിഎ സ്ഥാനാർത്ഥിയുമായ സ്മൃതി ഇറാനി. മോദിയെ പോലെ വലിയ പദവി വഹിക്കുന്ന ഒരാളുമായി സംവാദം നടത്താൻ അമേഠിയിൽ നിന്ന് ഒളിച്ചോടിയ രാഹുലിന് എന്തു യോഗ്യതയാണുള്ളതെന്നും സ്മൃതി ഇറാനി ചോദിച്ചു.

​​”ഒരിക്കൽ കോൺഗ്രസിന്റെ തകർക്കാർ സാധിക്കാത്ത കോട്ടയായി അറിയപ്പെട്ടിരുന്ന അമേഠിയിലെ സാധാരണ ബി.ജെ.പിക്കാരനോട് പോലും സംവാദത്തിന് ഭയക്കുന്ന വ്യക്തിയാണ് രാഹുൽ ഗാന്ധി. അദ്ദേഹമാണ് പ്രധാനമന്ത്രിയെ പോലുള്ള ഒരാളുമായി സംവാദം നടത്തുന്നത്. രാഹുൽ ഗാന്ധിയാണോ ഇൻഡി മുന്നണിയുടെ പ്രധാനമന്ത്രി സ്ഥാനാർഥി ?ജനങ്ങളുടെ സമ്പത്ത് അളക്കുന്നതിനെ കുറിച്ചാണ് കോൺ​ഗ്രസ് സംസാരിക്കുന്നത്. പൗരന്മാരുടെ സ്വത്തുക്കൾ തട്ടിയെടുക്കുന്നത് മാത്രമാണ് അവരു‌ടെ ആലോചനയെന്നും കേന്ദ്രമന്ത്രി പറഞ്ഞു.

രാമക്ഷേത്രം നിർമിക്കുന്ന സമയത്ത്, മോദി സർക്കാരിന്റെ തീരുമാനം മാറ്റാനാണ് അവർ ശ്രമിച്ചിരുന്നത്. ഇത്തരം പ്രശ്നങ്ങളെല്ലാം രാഷ്‌ട്രീയ പ്രശ്നം എന്നതിലുപരി ദേശീയ പ്രശ്നമാണ്. പ്രധാനമന്ത്രിക്ക് മാത്രമല്ല, രാജ്യത്തെ ഓരോ പൗരനും അതിനെ കുറിച്ച് അഭിപ്രായം പറയാനുള്ള അവകാശമുണ്ട്- സ്മൃതി ഇറാനി പറഞ്ഞു.