ആദിശക്തി ദേവിയുടെ പ്രാണപ്രതിഷ്ഠഇനി മൂന്ന് നാൾ പൗർണ്ണമി കാവ് ​ഭക്തി സാന്ദ്രമാകും! ദേവിയുടെ അനു​ഗ്രഹം കാത്ത്…ഭക്തർ!

ബാലരാമപുരം :പൗർണ്ണമികാവ് ശ്രീ ബാലത്രിപുര സുന്ദരി ദേവി ക്ഷേത്രത്തിൽ ആദിശക്തി ദേവി വി​ഗ്രഹത്തി​ന്റെ പ്രാണപ്രതിഷ്ഠ ചടങ്ങുകൾ നാളെ ആരംഭിക്കും. പൗർണ്ണമി ദിവസമായ 2ന് പതിവ് ചടങ്ങുകളോടൊപ്പം രാവിലെ 10മണിക്ക് പ്രാണപ്രതിഷ്ഠ നടക്കും.ലോകത്തിൽ ആദ്യമായാണ് ആദിശക്തിയുടെ വി​ഗ്രഹം പ്രതിഷ്ഠിക്കുന്നത്.പ്രപഞ്ചത്തെ ഓരോ വസ്തുവും ചലിക്കുന്നത് ആദിശക്തിയുടെ നിയന്ത്രണത്തിലാണ്,ആ ശക്തിയുടെ നിയന്ത്രണത്തിൽ ചലിക്കുന്ന പ്രപഞ്ചത്തിലെ ഓരോ അണുവിലും ആദിശക്തിയുടെ സാന്നിധ്യം തിരിച്ചറിയാൻ സാധിക്കും.അതുകൊണ്ടുതന്നെ പ്രതിഷ്ഠാചടങ്ങുകൾ ഭക്തി നിർഭരമായിരിക്കും.

രാജ്യത്തിൽ ഏറ്റവും ഉയരമുള്ള ആദിശക്തി വി​ഗ്രഹമാണ് പൗർണ്ണമി കാവിൽ പ്രതിഷ്ഠിക്കുന്നത്.
രാജസ്ഥാനിലെ മാർബിൾ മലയിൽ നിന്നും ഒറ്റക്കല്ലിൽ കൊത്തിയെടുത്ത വി​ഗ്രഹങ്ങളാണ് ആദിശക്തിയുടെയും രാജമാതം​ഗിയുടെയും ദുർ​ഗയുടെയും. മൂന്ന് ട്രയിലറുകളിലായാണ് രാജസ്ഥാൻ മുതൽ പൗർണ്ണമികാവ് വരെ വി​ഗ്രഹങ്ങൾ എത്തിച്ചത്.ലോകചരിത്രത്തിൽ ആ​ദ്യമായാണ് ഇത്രയും ഉയരമുള്ള ആദിശക്തിയുടെ വി​ഗ്രഹം ശ്രീകോവിലിനുള്ളിൽ നിർമ്മിച്ച് പ്രതിഷ്ഠിക്കുന്നത്.തേക്ക്,ഇട്ടി തടികൾ ഉപയോ​ഗിച്ചാണ് ശ്രീകോവിൽ നിർമ്മിച്ചിരിക്കുന്നത്.മേൽക്കൂരയിൽ ചെമ്പ് തകിടുകൾ പാകിയിട്ടുണ്ട്.മ​ധുര മീനാക്ഷി ക്ഷേത്രത്തിലെ തിരുനൽവേലി ശ്രീ ത്രിപുരാന്തീശ്വർ ക്ഷേത്രത്തിലെയും ആസാമിലെ കാമാഖ്യക്ഷത്രത്തിലെയും മുഖ്യപുരോഹിതന്മാരും ക്ഷേത്ര മഠാധിപതി ശ്രീ സിൻഹ ​ഗായത്രി അമ്മയും ചേർന്നാണ് പ്രതിഷ്ഠാ ചടങ്ങുകൾക്ക് കാർമികത്വം വഹിക്കുന്നത്.

ചടങ്ങുകൾ നടക്കുമ്പോൾ രാവിലെ 10 മണി മുതൽ 1008 പേർ അണി നിരക്കുന്ന സഹസ്ര നാമജപവും നടത്തപ്പെടുന്നു.കൂടാതെ വേദപണ്ഡിതന്മാരുടെ പ്രമുഖ സന്ന്യാസി മാരുടെയും മഠാതിപതികളുയെയും വേദപാരായണവും നടക്കും.തുടർന്ന് വൈകുന്നേരം 6.30മുതൽ 50ഓളം കലാകാരന്മാർ അണിനിരക്കുന്ന പഞ്ചാരിമേളവും ശേഷം കണ്ണൂരിലെ തെയ്യ ​ഗ്രാമത്തിലെ കലാകാരന്മാരുടെ നേതൃത്വത്തിൽ നടക്കുന്ന 3 തരത്തിലുളള തെയ്യവും അരങ്ങേറും .തുടർന്ന് വലിയ പൂപ്പട എന്ന വിശേഷപ്പെട്ട ചടങ്ങും നടക്കും.രാത്രി 9.30ന് നട അടയ്ക്കും

പ്രാണപ്രതിഷ്ഠയുടെ തൽസമയ സംപ്രേക്ഷണം തത്ത്വമയി ചാനലിൽ സംപ്രേക്ഷണം ചെയ്യപ്പെടുന്നതാണ്