തെരഞ്ഞെടുപ്പ് പ്രവർത്തനങ്ങൾ ഭംഗിയായി നടത്താൻ സാധിച്ചത് ഉദ്യോഗസ്ഥർ നന്നായി പരിശ്രമിച്ചതിനാല്ലെന്ന് ജില്ലാ കളക്ടർ ! മികച്ച പ്രവർത്തനം കാഴ്ച‌ വെച്ച ഉദ്യോഗസ്ഥരെ അനുമോദിച്ചു

തിരുവനന്തപുരം : ലോക്‌സഭാ തെരഞ്ഞെടുപ്പുമായി ബന്ധപ്പെട്ട് ജില്ലയിൽ മികച്ച പ്രവർത്തനം കാഴ്ച‌ വെച്ച വിവിധ നോഡൽ ഓഫീസർമാരെയും അസിസ്റ്റന്റ് നോഡൽ ഓഫീസർമാരെയും മറ്റ് ഉദ്യോഗസ്ഥരെയും അനുമോദിച്ച് വരണാധികാരി കൂടിയായ ജില്ലാ കളക്ടർ ജെറോമിക് ജോർജ്.

ഉദ്യോഗസ്ഥർക്ക് കളക്ടർ പ്രശംസാ പത്രം സമ്മാനിച്ചു. ഉദ്യോഗസ്ഥർ നന്നായി പരിശ്രമിച്ചതിനാലാണ് ജില്ലയിലെ തെരഞ്ഞെടുപ്പ് പ്രവർത്തനങ്ങൾ ഭംഗിയായി നടത്താൻ സാധിച്ചതെന്ന് അദ്ദേഹം പറഞ്ഞു . പരിശീലന കാലയളവ് പൂർത്തിയാക്കിയ അസിസ്റ്റന്റ് കളക്ടർ അഖിൽ വി. മേനോനെയും ചടങ്ങിൽ അനുമോദിച്ചു. ചടങ്ങിനു ശേഷം സിവിൽ സ്‌റ്റേഷൻ ഗേറ്റിന് സമീപം കളക്ടറുടെ നേതൃത്വത്തിൽ ഉദ്യോഗസ്ഥർ തൈകൾ നടുകയും ചെയ്തു.