ചെക്ക് ഡാമിൽ വീണ മകളെ രക്ഷിക്കാനിറങ്ങിയ അച്ഛന് ദാരുണാന്ത്യം; കുട്ടിയെ ഓടിക്കൂടിയ നാട്ടുകാർ രക്ഷപ്പെടുത്തി

കോട്ടയം :ചെക്ക് ഡാമിൽ വീണ മകളെ രക്ഷപ്പെടുത്താൻ ഇറങ്ങിയ തയ്യൽതൊഴിലാളി മരിച്ചു.ആനക്കല്ലിൽ താമസിക്കുന്ന പ്രകാശൻ (52) ആണ് മരിച്ചത്.കാഞ്ഞിരപ്പള്ളി മേലരുവിയിൽ വെകിട്ട് 5 മണിയോടെയാണ് അപകടമുണ്ടായത്.

കുടുംബത്തോടൊപ്പം ഫോട്ടോ എടുക്കാനെത്തിയ പ്രകാശൻ, മകൾ വെള്ളത്തിൽ വീഴുന്നത് കണ്ട് രക്ഷപ്പെടുത്താൻ ശ്രമിക്കുമ്പോഴാണ് അപകടമുണ്ടായത്. കുട്ടിയെ പിന്നീട് ഓടിക്കൂടിയ നാട്ടുകാർ രക്ഷപ്പെടുത്തി. ചെക്ക്ഡാമിൽ ചെളി അടിഞ്ഞ് കൂടിയിരുന്നതാണ് അപകടത്തിന് കാരണമായതെന്നാണ് നാട്ടുകാർ പറയുന്നത്.