ശബരിമല ക്ഷേത്രത്തേയും വിശ്വാസത്തേയും ചരിത്രത്തെയും സമഗ്രമായി പ്രതിപാദിക്കുന്ന ഡോക്യൂമെന്ററി ചിത്രത്തിന്റെ ദീപ പ്രോജ്ജ്വലനം ഇന്ന്, ചിത്രം ഒരുക്കുന്നത് ഹരിബോൽ പ്രൊഡക്ഷൻസിന്റെ ബാനറിൽ തത്ത്വമയിയും റീട്രാക്കും ചേർന്ന്! പ്രമുഖർ അണിനിരക്കുന്ന ചടങ്ങ് ഇന്ന് പന്തളത്ത്

ഹരിബോൽ പ്രൊഡക്ഷൻസിന്റെ ബാനറിൽ തത്ത്വമയിയും റീട്രാക്കും ചേർന്നൊരുക്കുന്ന പതിനെട്ടിനപ്പുറം എന്ന ഡോക്യൂമെന്ററി ചിത്രത്തിന്റെ പ്രവർത്തനങ്ങൾക്ക് ഇന്ന് തിരിതെളിയും. ശബരിമല ക്ഷേത്രത്തെയും വിശ്വാസത്തേയും ചരിത്രത്തെയും സമഗ്രമായി പ്രതിപാദിക്കുന്ന ഡോക്യൂമെന്ററിയാണ് പതിനെട്ടിനപ്പുറം. ഇന്ന് രാവിലെ 10 മണിക്ക് പന്തളം വലിയകോയിയ്ക്കൽ രാജശേഖര മണ്ഡപത്തിൽ നടക്കുന്ന ചടങ്ങിൽ കാശ്യപ വേദ റിസർച്ച് ഫൗണ്ടേഷൻ സ്ഥാപകൻ ആചാര്യ ശ്രീ എം ആർ രാജേഷ് അനുഗ്രഹ പ്രഭാഷണം നടത്തും. എച് ആർ ഡി എസ് വൈസ് പ്രസിഡന്റ്‌ കെ ജി വേണുഗോപാൽ അദ്ധ്യക്ഷത വഹിക്കുന്ന ചടങ്ങിൽ രാഷ്ട്രീയ സ്വയംസേവക സംഘത്തിന്റെ മുതിർന്ന പ്രവാചകനും ഭാരതീയ പ്രജ്ഞാ പ്രവാഹ് ദേശീയ സംയോജകുമായ ജെ നന്ദകുമാർ മുഖ്യ പ്രഭാഷണം നടത്തും.

തത്ത്വമയി ചീഫ് എഡിറ്ററും എം ഡിയുമായ രാജേഷ് പിള്ള സ്വാഗതം ആശംസിക്കുന്ന ചടങ്ങിൽ ആർട്ട് ഓഫ് ലിവിംഗ് നാഷണൽ ഡയറക്ടർ ജയചന്ദ്രൻ, പ്രശസ്ത മാദ്ധ്യമ പ്രവർത്തകൻ മുരളീധരൻ തഴക്കര തുടങ്ങിയവർ ആശംസകൾ അർപ്പിക്കും. തത്ത്വമയി ഓപ്പറേഷൻസ് ഹെഡ് സനോജ് നായർ ചടങ്ങിൽ പ്രോജെക്ട് വിശദീകരിക്കും