മഹാരാഷ്ട്രയിൽ നട്ടെല്ലൊടിഞ്ഞ് മഹാ വികസ് അഖാഡിയ സഖ്യം!പോയ പോക്കിൽ അജിത്ത് പവാർ മറുചേരിയിലെത്തിച്ചത് അമ്മാവന്റെ വലിയ വിശ്വസ്തനെയും; ഇനി എടുക്കാത്ത നോട്ടായി ശരദ് പവാർ

മുംബൈ : മഹാരാഷ്ട്രയില്‍ അജിത്ത് പവാർഅപ്രതീക്ഷിത രാഷ്ട്രീയ നീക്കത്തിലൂടെ എന്‍സിപിയെ പിളര്‍ത്തി എന്‍ഡിഎ മുന്നണിയിലെത്തിച്ചതോടെ നട്ടെല്ലൊടിഞ്ഞ അവസ്ഥയിലാണ് മഹാ വികസ് അഖാഡിയ സഖ്യം. പോയ പോക്കിൽ എൻസിപി ദേശീയ അദ്ധ്യക്ഷൻ ശരദ് പവാറിന്റെ വലിയ വിശ്വസ്തനും പാര്‍ട്ടി ദേശീയ വര്‍ക്കിംഗ് പ്രസിഡന്റുമായ പ്രഫുല്‍ പട്ടേലിനെയും അജിത്ത് പവാർ മറുചേരിയില്‍ എത്തിച്ചു.

അജിത് പവാര്‍ ഉപമുഖ്യമന്ത്രിയായി സത്യപ്രതിജ്ഞ ചെയ്തപ്പോള്‍ കൂടെ എത്തിയ 9 എംഎല്‍എമാര്‍ മന്ത്രിമാരായി സത്യപ്രതിജ്ഞ ചെയ്തു. നിലവില്‍ 53 എംഎല്‍എമാരാണ് എന്‍സിപിക്കുള്ളത്. ഇതില്‍ 30 എംഎല്‍എമാരുടെ പിന്തുണ അജിതിനുണ്ടെന്നാണ് വിവരം. 36 എംഎല്‍എമാരുടെ പിന്തുണയാണ് അയോഗ്യരാകാതിരിക്കുവാന്‍ വേണ്ടത്.

അജിത് പവാറിന്റെ വരവോടെ മഹാരാഷ്ട്രയില്‍ എന്‍ഡിയെയുടെ ശക്തി വര്‍ധിച്ചു. യുപി കഴിഞ്ഞാല്‍ ഏറ്റവും കൂടുതല്‍ ലോക്‌സഭാ സീറ്റുകള്‍ ഉള്ളത് മഹാരാഷ്ട്രയിലാണ്. അജിത്തിന്റെ വരവോടെ പൊതുതെരഞ്ഞെടുപ്പില്‍ വമ്പൻ മുന്നേറ്റം എന്‍ഡിഎയ്ക്ക് നടത്താൻ സാധിക്കും. മഹാരാഷ്ട്രയിൽ ഇനി ട്രിപ്പിൾ എഞ്ചിൻ സർക്കാരിനെയാകും കാണാനാകുക എന്ന് മഹാരാഷ്ട്ര മുഖ്യമന്ത്രി ഏക്‌നാഥ്‌ ഷിൻഡെ വ്യക്തമാക്കിയിരുന്നു.