നിയമസഭാ ദൃശ്യം പകർത്തുന്നതിലെ മാദ്ധ്യമവിലക്ക് പിൻവലിക്കണം ; സ്പീക്കർക്ക് കത്തയച്ച് പ്രതിപക്ഷ നേതാവ് വി.ഡി സതീശൻ

തിരുവനന്തപുരം : നിയമസഭയിലെ ദ്യശ്യങ്ങൾ പകർത്തുന്നതിന് ഏർപ്പെടുത്തിയ മാദ്ധ്യമ വിലക്ക് പിൻവലിക്കണമെന്ന് ആവശ്യപ്പെട്ട് പ്രതിപക്ഷ നേതാവ് വി.ഡി സതീശൻ സ്പീക്കർക്ക് കത്ത് നൽകി. പൊതുവെ ചോദ്യോത്തര വേള വരെയുള്ള നടപടിക്രമങ്ങളുടെ ദൃശ്യങ്ങൾ ദൃശ്യമാദ്ധ്യമ പ്രവർത്തകർ പകർത്തുമായിരുന്നു. മാദ്ധ്യമ പ്രവർത്തകരെ ഗാലറിയിൽ പ്രവേശിപ്പിക്കുന്നതായിരുന്നു കാലങ്ങളായി നിയമസഭയിലെ കീഴ്വഴക്കം.

കോവിഡിന്റെ സാഹചര്യത്തിൽ ഇത് റദ്ദാക്കുകയായിരുന്നു. എന്നാൽ കോവിഡ് ഭീഷണി ഒഴിയുകയും നിയമസഭയിലെ കോവിഡ് പ്രോട്ടോകോൾ പിൻവലിച്ചിട്ടും മാദ്ധ്യമങ്ങൾക്ക് ഏർപ്പെടുത്തിയിരിക്കുന്ന ഈ വിലക്ക് പിൻവലിച്ചിട്ടില്ല. ഇതിനെ തുടർന്നാണ് പ്രതിപക്ഷ നേതാവ് സ്‌പീക്കർക്ക് കത്ത് നൽകിയത്.