ഉറക്കത്തിനിടയിൽ പിഞ്ചുകുഞ്ഞിന് മേൽ അബദ്ധത്തിൽ അമ്മ മറിഞ്ഞുവീണു; ഒന്നരവയസ്സുകാരൻ മരിച്ച സംഭവം കൊലപാതകമെന്നാരോപിച്ച് പിതാവ്

ലക്നൗ: ഉറക്കത്തില്‍ പിഞ്ചുകുഞ്ഞിന്റെ മേൽ അമ്മ അബദ്ധത്തിൽ മറിഞ്ഞു വീണു. പതിനെട്ടുമാസം മാത്രം പ്രായമുള്ള കുഞ്ഞ് മരിച്ചു. ഉത്തർപ്രദേശിലെ അംറോഹ ജില്ലയിൽ ​ഗജ്റൗള പ്രദേശത്താണ് സംഭവം നടന്നത്. അച്ഛനും അമ്മയും കു‍ഞ്ഞും ഒരേ കട്ടിലിലാണ് ഉറങ്ങാൻ കിടന്നത്.രാവിലെ കുഞ്ഞ് ശ്വസിക്കുന്നില്ലെന്ന് കണ്ടതിനെ തുടർന്നാണ് ആശുപത്രിയിൽ എത്തിച്ചെങ്കിലും ഡോക്ടർമാർ മരണം സ്ഥിരീകരിച്ചുവെന്ന് പൊലീസ് വ്യക്തമാക്കി.

എന്നാൽ കുട്ടിയുടെ പിതാവായ വിശാൽ കുമാർ സംഭവം കൊലപാതകമാണെന്ന ആരോപണവുമായി മുന്നോട്ട് വന്നിരിക്കുകയാണ് . ഭാര്യ കാജൽ ദേവി ഉറങ്ങിക്കിടന്ന കുഞ്ഞിനെ മനപൂർവ്വം ശ്വാസം മുട്ടിച്ച് കൊലപ്പെടുത്തിയതാണെണ് വിശാൽ കുമാർ ആരോപിച്ചു. എന്നാൽ കാജൽ ദേവി ആരോപണങ്ങൾ നിഷേധിച്ചു. അപകടമാണെന്ന് ഇവർ പറയുന്നു. ‘എപ്പോഴാണ്, എത്ര സമയമാണ് കുഞ്ഞിന് മേൽ കയറിക്കിടന്നതെന്നോ എപ്പോഴാണ് കുഞ്ഞിന്റെ ശ്വാസം നിലച്ചതെന്നോ എനിക്കറിയില്ല.’ കാജൽ ദേവി പറഞ്ഞു.

ലഭിച്ച വിവരങ്ങളുടെ അടിസ്ഥാനത്തിൽ, കു‍ഞ്ഞ് മരിച്ചതിന്റെ യഥാർത്ഥ കാരണം കണ്ടെത്താൻ പൊലീസ് അന്വേഷണം ആരംഭിച്ചിട്ടുണ്ട്. കുഞ്ഞിന്റെ മൃതദേഹം പോസ്റ്റ്മോർട്ടത്തിന് അയച്ചു. ‘എട്ട് വർഷം മുൻമ്പ് വിവാഹിതരായ ഇവർക്ക് മൂന്ന് ആൺമക്കളുണ്ട്. അതിൽ ഏറ്റവും ഇളയ കുട്ടിയാണ് മരിച്ചത്..