റഷ്യൻ വിമാനം നദിയിൽ അടിയന്തിരമായി ഇറക്കി, ദുരന്തം ഒഴിവായത് നദിയിലെ വെള്ളം തണുത്തുറഞ്ഞ് ഐസ് പാളിയായതിനാൽ

റഷ്യ- 34 പേരുമായി ഒരു യാത്രാവിമാനം കിഴക്കൻ റഷ്യയുടെ തണുത്തുറഞ്ഞ നദിയിൽ ലാൻഡ് ചെയ്തു, പൈലറ്റിൻ്റെ പിഴവാണ് വിമാനം നദിയിൽ ഇറക്കാൻ കാരണമെന്നാണ് പ്രാഥമിക നിഗമനം.
പോളാർ എയർലൈൻസിൻ്റെ സോവിയറ്റ് കാലഘട്ടത്തിലെ അന്റോനോവ് ആൻ -24 വിമാനമാണ് തണുത്തുറഞ്ഞ കോളിമ നദിയിൽ അടിയന്തിരമായി ലാൻഡ് ചെയ്യിപ്പിച്ചത്. യാത്രക്കാർക്ക് ആർക്കും പരിക്കില്ല.

പ്രാഥമിക അന്വേഷണത്തിൽ പൈലറ്റിൻ്റെ പിഴവാണ് കാരണമെന്ന് കണ്ടെത്തി. മുപ്പത് യാത്രക്കാരും നാല് ജീവനക്കാരുമാണ് വിമാനത്തിലുണ്ടായിരുന്നത്. വിമാനം വ്യാഴാഴ്ച പുലർച്ചെ കിഴക്കൻ റഷ്യയുടെ സാഖ റിപ്പബ്ലിക്കിൻ്റെ തലസ്ഥാനമായ യാകുത്സ്കിൽ നിന്നാണ് പറന്നുയർന്നത്.

വടക്ക്-കിഴക്കായി 1,100 കിലോമീറ്റർ സിറിയങ്കയായിരുന്നു യാത്രാ ലക്ഷ്യം. കിഴക്കൻ സൈബീരിയയിലെ തണുത്തുറഞ്ഞ കോളിമ നദിയുടെ മദ്ധ്യഭാഗത്താണ്വ വിമാനം നിർത്തിയത്. ഈ സമയത്ത് സിറിയങ്കയിലെ താപനില -40ഡിഗ്രി വരെ താഴ്ന്നിരുന്നു.