വിനോദസഞ്ചാരത്തിന്റെ വസന്തകാലം തുടങ്ങി ; കാശ്മീരിലേക്ക് സഞ്ചാരികളുടെ റെക്കോർഡ് പ്രവാഹം

ശ്രീനഗർ ; വസന്തക്കാലം ആരംഭിച്ചതോടെ കശ്മീർ-ശ്രീനഗറിലെ പ്രശസ്തമായ പൂന്തോട്ടങ്ങൾ കഴിഞ്ഞ മാസം വീണ്ടും തുറന്നതു മുതൽ വിനോദസഞ്ചാരികളുടെ വരവ് ഉയർന്നതായി ടൂറിസം വകുപ്പ് അറിയിച്ചു. 10 വർഷത്തിനിടയിൽ ഏറ്റവും കൂടുതൽ ടൂറിസ്റ്റുകൾ എത്തിയത് ഈ വർഷത്തെ വസന്ത കാലത്താണ് എന്നാണ് റിപ്പോർട്ടുകൾ . ജനുവരി, ഫെബ്രുവരി മാസങ്ങളിൽ 1,62,664 ആഭ്യന്തര യാത്രക്കാരും 490 വിദേശികളും കശ്മീർ താഴ്വര സന്ദർശിച്ചതായി കണക്കുകൾ വ്യക്തമാക്കുന്നു.

ജമ്മു കശ്മീർ സർക്കാർ വിനോദസഞ്ചാരത്തിന് മുൻഗണന നൽകിയതിനാൽ, വിനോദസഞ്ചാരികളെ ആകർഷിക്കുന്നതിനായി ഇന്ത്യയിലുടനീളം പരസ്യ ക്യാമ്പയ്നുകൾ ആരംഭിച്ചിട്ടുണ്ടെന്ന് ടൂറിസം ആൻഡ് കൾച്ചർ സെക്രട്ടറി സർമദ് ഹഫീസ് വ്യക്തമാക്കി.കേന്ദ്ര ടൂറിസം മന്ത്രാലയത്തിന്റെ കണക്കനുസരിച്ച് ഫെബ്രുവരിയിൽ മാത്രം 1.42 ലക്ഷം വിനോദസഞ്ചാരികൾ ജമ്മു കശ്മീർ സന്ദർശിച്ചു. ഇത് ഏഴ് വർഷത്തിനിടയിലെ ഏറ്റവും ഉയർന്ന നിരക്കായാണ് കണക്കാക്കുന്നത് .