അഭ്രപാളികളിൽ അസംബന്ധം വിളമ്പിയാൽ മറുപടിയും സ്‌ക്രീനിൽ തന്നെ; ഗോദ്ര കൂട്ടക്കൊലയുടെ വസ്തുതകൾ വരച്ചുകാട്ടുന്ന ചിത്രമായ സബർമതി റിപ്പോർട്ടിന്റെ, തത്വമയി ഒരുക്കുന്ന സൗജന്യ പ്രദർശനം ഇന്ന്; വൈകുന്നേരം ആറുമണിക്ക് നിറഞ്ഞ സദസിൽ പ്രദർശനം

തിരുവനന്തപുരം: അഭ്രപാളികളിൽ മതവിദ്വേഷം ഉണ്ടാക്കുന്നവിധം ഗുജറാത്ത് കലാപത്തെ കുറിച്ചുള്ള നുണ പ്രചാരണം നടത്തുന്നവർക്ക് തത്വമയിയുടെ മറുപടി ഇന്ന്. ഗോദ്ര കലാപത്തിന്റെ വസ്തുതകൾ വരച്ചുകാട്ടുന്ന ചിത്രമായ ദി സബർമതി റിപ്പോർട്ട് തിങ്കളാഴ്‌ചയും ചൊവ്വാഴ്ചയും തിരുവനന്തപുരം ഏരീസ് പ്ലെക്സിൽ സൗജന്യമായി പ്രദർശിപ്പിക്കും. വൈകുന്നേരം ആറു മണിക്കാണ് പ്രദർശനം. വിശിഷ്ട വ്യക്തികൾ അടങ്ങുന്ന നിറഞ്ഞ് സദസ്സിൽ പ്രദർശനം നടക്കും. പ്രഖ്യാപനം വന്ന് മണിക്കൂറുകൾക്കകം രണ്ട് പ്രദർശനങ്ങളുടെയും സീറ്റുകളുടെ റിസർവേഷൻ പൂർത്തിയായിരുന്നു.

2002 ലെ ഗുജറാത്ത് കലാപത്തിലേക്ക് നയിച്ച ഗോദ്ര കൂട്ടക്കൊലയുടെ വസ്തുതകൾ വരച്ചികാട്ടുന്ന ചിത്രമാണ് ദി സബർമതി റിപ്പോർട്ട്. ധീരജ് സർണ്ണ സംവിധാനം ചെയ്ത ചിത്രം 2024 നവമ്പറിലാണ് പ്രദർശനത്തിന്ന് എത്തിയത്. ഗുജറാത്ത് കലാപത്തെ കുറിച്ചുള്ള നുണകളും അർദ്ധസത്യങ്ങളും പ്രചരിപ്പിക്കാനുള്ള ഗൂഢനീക്കങ്ങൾ വിവാദമായ പശ്ചാത്തലത്തിലാണ് തത്വമയി ചിത്രത്തെ തിരികെ തീയറ്ററുകളിൽ എത്തിക്കുകയായിരുന്നു.

കശ്‌മീർ പണ്ഡിറ്റുകളുടെ സഹനത്തിന്റെ ചരിത്രം പറയുന്ന ദി കശ്‌മീർ ഫയൽസ്, ലവ് ജിഹാദിന്റെ ഞെട്ടിക്കുന്ന വസ്തുതകൾ വരച്ചുകാട്ടുന്ന കേരള സ്റ്റോറി, മലബാർ കലാപത്തിന്റെ ചരിത്രം വരച്ചുകാട്ടുന്ന പുഴ മുതൽ പുഴ വരെ തുടങ്ങിയ ചിത്രങ്ങളുടെ സൗജന്യ പ്രദർശനം തത്വമയി നേരത്തെ നടത്തിയിരുന്നു. ഈ ചിത്രങ്ങൾക്കെതിരെ കേരളത്തിൽ ചിലകേന്ദ്രങ്ങൾ നീക്കങ്ങൾ നടത്തിയപ്പോഴാണ് തത്വമയി കേരളത്തിന്റെ വിവിധ ഭാഗങ്ങളിൽ സൗജന്യ പ്രദർശനം നടത്തിയത്.