ബഫർസോണിലുള്ള നിർമാണ പ്രവർത്തങ്ങൾക്ക് സമ്പൂർണ വിലക്ക് ഏർപ്പെടുത്താനാകില്ലെന്ന് സുപ്രീംകോടതി; 2022 ലെ വിധിയിൽ ഭേദഗതി വന്നേക്കുമെന്ന് സൂചന

ദില്ലി : ബഫർസോണിലുള്ള നിർമാണ പ്രവർത്തങ്ങൾക്ക് സമ്പൂർണ വിലക്ക് ഏർപ്പെടുത്താനാകില്ലെന്ന് സുപ്രീംകോടതി വ്യക്തമാക്കി. നിരോധിക്കേണ്ടത് നിരോധിക്കുകയും . നിയന്ത്രിക്കേണ്ടവ നിയന്ത്രിക്കണമെന്നും കോടതി പറഞ്ഞു. സമ്പൂർണവിലക്ക് ഏർപ്പെടുത്തിയത് പ്രതിസന്ധി ഉണ്ടാക്കിയെന്ന് അമിക്കസ് ക്യൂറി കോടതിയെ അറിയിച്ചു. അന്തിമ, കരട് വിജ്ഞാപനങ്ങള്‍ വന്ന മേഖലകൾ, വിജ്ഞാപനത്തിനു പരിഗണിക്കുന്ന മേഖലകൾ എന്നിവ ഒഴിവാക്കണമെന്നു കേന്ദ്രസർക്കാർ ആവശ്യപ്പെട്ടു.

2022 ജൂൺ മാസത്തിലാണ് ബഫർസോൺ വിധി പ്രഖ്യാപിച്ചത്. വിധിയില്‍ മാറ്റം വേണമെന്ന് ആവശ്യപ്പെട്ട് കേന്ദ്രസർക്കാരും ഇളവു തേടികൊണ്ടുള്ള കേരളവും കോടതിയിൽ അപേക്ഷ നൽകിയിരുന്നു. ഇത് പരിഗണിക്കുകയായിരുന്നു കോടതി. സമ്പൂർണ വിലക്ക് എന്നതു ശരിയായ തീരുമാനമല്ലെന്നും ജനങ്ങളുടെ ദൈന്യംദിന പ്രവർത്തനങ്ങളെ ബാധിക്കുമെന്നും കോടതി നിരീക്ഷിച്ചു. വ്യാഴാഴ്ച ഹർജികളിൽ വാദം തുടരും.