അഖിലകേരളാ തന്ത്രി മണ്ഡലത്തിന്റെ പതിമൂന്നാമത് സംസ്ഥാന സമ്മേളനത്തിനും ആചാര്യ കുടുംബ സംഗമത്തിനും നാളെ കോഴിക്കോട് തിരി തെളിയും

അഖിലകേരളാ തന്ത്രി മണ്ഡലത്തിന്റെ പതിമൂന്നാമത് സംസ്ഥാന സമ്മേളനവും ആചാര്യ കുടുംബ സംഗമവും നാളെ (ഡിസംബർ 29, 2024 ) കോഴിക്കോട് കേസരി ഭവൻ ഓഡിറ്റോറിയത്തിൽ വച്ച് നടക്കും.

രാവിലെ 8 മണിക്ക് സംസ്ഥാന പ്രസിഡന്റ് ബ്രഹ്മശ്രീ പ്രൊഫ വി ആർ നമ്പൂതിരി ധ്വജാരോഹണം നടത്തി, വേദഘോഷണങ്ങളോടെ സമ്മേളനത്തിന് ആരംഭം കുറിയ്ക്കും. തുടർന്ന് തന്ത്രിമണ്ഡലത്തിന്റെ സ്ഥാപകനേതാവും വർത്തമാന രക്ഷാധികാരിയുമായ ബ്രഹ്മശ്രീ ക്ടാക്കോട്ടില്ലം നീലകണ്ഠൻ പോറ്റി ശങ്കരാചാര്യ ദീപ പ്രോജ്ജ്വലനവും ആലപ്പുഴ ജില്ലാ മണ്ഡലം പ്രസിഡന്റും താന്ത്രിക ശ്രേഷ്ഠനുമായ ബ്രഹ്മശ്രീ പുത്തില്ലം നാരായണൻ നമ്പൂതിരി ഭാർഗ്ഗവദീപ പ്രോജ്ജ്വലനവും നടത്തും തുടർന്ന് സംസ്ഥാന കൗൺസിൽ അംഗങ്ങളും ബ്രഹ്മശ്രീ വി.പുരുഷോത്തമൻ പോറ്റി, ബ്രഹ്മശ്രീ . എസ്.ജയകൃഷ്ണൻ നമ്പൂതിരി, ബ്രഹ്മശ്രീ പ്രശാന്ത് ജി നമ്പൂതിരി, ബ്രഹ്മശ്രീ പി.എൻ . ദാമോദരൻ നമ്പൂതിരി, ബ്രഹ്മശ്രീ കൃഷ്ണകുമാർ, ബ്രഹ്മശ്രീ വാമനൻ നമ്പൂതിരി ബ്രഹ്മശ്രീ കൃഷ്ണകുമാർ ഭട്ടതിരി, ബ്രഹ്മശ്രീനിധീഷ് നമ്പൂതിരി, ബ്രഹ്മശ്രീ ശ്രീധരൻ നമ്പൂതിരി എടമന എന്നിവരുടെ കാർമ്മിത്വത്തിൽ നടക്കുന്ന നിറപറ സമർപ്പണത്തിനു ശേഷം സംസ്ഥാന പ്രസിഡന്റ് ബ്രഹ്മശ്രീ പ്രൊഫ: വി.ആർ. നമ്പൂതിരിയുടെ അദ്ധ്യക്ഷതയിൽ യോഗം ആരംഭിക്കും.

യോഗത്തിൽ സംസ്ഥാന ജനറൽ സെക്രട്ടറി ബ്രഹ്മശ്രീ ക്ടാകോട്ടില്ലം രാധാകഷ്ണൻ പോറ്റി സ്വാഗതമാശംസിക്കും. സംസ്ഥാന വൈസ് പ്രസിഡന്റ് ബ്രഹ്മശ്രീ വാഴയിൽ മഠം എസ് വിഷ്ണു നമ്പൂതിരിയുടെ ആമുഖ പ്രഭാഷണത്തിന് ശേഷം എം.കെ രാഘവൻ എംപി ഭദ്ര ദീപം കൊളുത്തി യോഗം ഉദ്ഘാടനം ചെയ്യും. ബിജെപി നേതാവ് ശോഭാ സുരേന്ദ്രൻ,പത്മശ്രീ കൈതപ്രം ദാമോദരൻ നമ്പൂതിരി ,കേരള ദേവസ്വം റിക്രൂട്ട്മെന്റ് ബോർഡ് ചെയർമാൻ അഡ്വ. ബി മോഹൻദാസ്, മലബാർ ദേവസ്വം ബോർഡ് പ്രസിഡന്റ് എം ആർ മുരളി , കൊച്ചിൻ ദേവസ്വംബോർഡ് പ്രസിഡന്റ് ഡോ. സുദർശനൻ എം.ബി എന്നിവർ വിശിഷ്ടാതിഥികളായി പങ്കെടുക്കും.

യോഗത്തിൽ വിശിഷ്ടാതിഥികളെ ഉപഹാരം നൽകി ആദരിക്കുന്നതിനൊപ്പം ബ്രഹ്മശ്രീ കൈതപ്രം ദാരമാദരൻ നമ്പൂതിരിയെ ‘വാഗ്ഗേയശ്രീ’ പുരസ്കാരവും , സിനി ആർട്ടിസ്റ്റ് സജിത പള്ളത്തിനെ ‘നാട്യ ഭാരതി’ പുരസ്കാരവും സുപ്രസിദ്ധ ഗാനരചയിതാവും ഗായകനുമായ സന്ദീപ് സുധയെ ‘ദേവദുന്ദുഭി’ പുരസ്കാരവും നല്കി ആദരിക്കും. ചക്ര ലേഖനത്തിന് ദേശീയ പുരസ്കാരം നേടിയ ബ്രഹ്മശ്രീ പൊന്നടുക്കം നാരായണൻ നമ്പൂതിരിയെയും യോഗത്തിൽ ആദരിക്കും.

തന്ത്രിമണ്ഡലവിദ്യാപീഠം ജനറൽ സെക്രടറി ബ്രഹ്മശ്രീ വാഴയിൽ മഠം എസ് വിഷ്ണുനമ്പൂതിരി, വൈസ് ചെയർമാൻ ഡോ. ദിലീപൻ നാരായണൻ നമ്പൂതിരി, ഐ ടി കോ ഓർഡിനേറ്റർ ബ്രഹ്മശ്രീ എസ് സുബ്രഹ്മണ്യൻ നമ്പൂതിരി, HOD മാരായ ജ്യോതിഷ ആചാര്യ ബ്രഹ്മശ്രീ കെ കൃഷ്ണകുമാർ ഭട്ടതിരി, വാസ്തു ആചാര്യ പങ്കജ കേശവം ശ്രീകെ. ഓമനക്കുട്ടൻ എന്നിവരെ ‘കർമ്മ ശ്രേഷ്ഠ’ പുരസ്കാരം നല്കി ആദരിക്കും.

ശബരിമല മുൻമേൽ ശാന്തിയും ജ്യോതിഷ താന്ത്രിക ആചാര്യനുമായിരുന്ന വാഴയിൽമഠം ശങ്കരൻ നമ്പൂതിരിയുടെ പേരിലുള്ള സ്മൃതിപുരസ്കാരം ഗുരുവായൂർ , ശബരിമല മുൻമേൽ ശാന്തി ബ്രഹ്മശ്രീ എഴിക്കോട് ശശി നമ്പൂതിരിയ്ക്ക് നൽകി ആദരിക്കും. തന്ത്രമണ്ഡല സ്ഥാപക ജനറൽ സെക്രട്ടറിയും പ്രമുഖ താന്ത്രി കാചാര്യനുമായിരുന്ന വൈകുണ്ഠം ഗോവിന്ദൻ നമ്പൂതിരി സ്മൃതിപുരസ്കാരം ശബരിമല മുൻമേൽ ശാന്തി ബ്രഹ്മശ്രീ തെക്കേടത്തു മന വിഷ്ണുനമ്പൂതിരിയ്ക്ക് നൽകി ആദരിക്കും. ആലപ്പുഴ ജില്ലാ മണ്ഡലം സെക്രട്ടറിയും താന്ത്രികാചാര്യനുമായിരുന്ന വേങ്ങാട്ടൂർ ഇല്ലം എസ്. ഈശ്വരൻ നമ്പൂതിരി സ്മൃതിപുരസ്കാരം താന്ത്രികാചാര്യൻ ബ്രഹ്മശ്രീ ശീരവള്ളി കൃഷ്ണൻ നമ്പൂതിരിയ്ക്കു നൽകി ആദരിക്കും. സുകൃതാചാര്യ . ബ്രഹ്മശ്രീ ക്ടാർക്കാട്ടില്ലം നീലകണ്ഠൻ പോറ്റി (രക്ഷാധികാരി) ബ്രഹ്മശ്രീ കൊമ്പങ്കുളം വിഷ്ണുസോമയാജിപ്പാട് (സോമയാഗ യജമാനൻ), ബ്രഹ്മശ്രീ പുത്തില്ലം നാരായണൻ നമ്പൂതിരി (ആലപ്പുഴ ജില്ലാ മണ്ഡലം പ്രസിഡന്റ്) ബ്രഹ്മശ്രീ മുല്ലപ്പള്ളി കൃഷ്ണൻ നമ്പൂതിരി (തന്ത്രവിദ്യാപീഠം ആലുവ, പ്രസിഡന്റ്, യോഗക്ഷേമസഭ മുൻസംസ്ഥാന വൈസ് സിഡന്റ്) എന്നിവർ അനുഗ്രഹ പ്രഭാഷണം നടത്തും.

ശാന്തി ക്ഷേമ യൂണിയൻ ജന.സെക്രട്ടറി ബ്രഹ്മശ്രീ നിരജ്, കൊല്ലം ജില്ലാ പ്രസിഡന്റ് ബ്രഹ്മശ്രീ ശങ്കരര് ശങ്കരര് ഭദ്രദാസര്,പത്തനംതിട്ട ബ്രഹ്മശ്രി ലാൽ പ്രസാദ് ഭട്ടതിരി, കണ്ണൂർ ജില്ലാ പ്രസിഡന്റ് ബ്രഹ്മശ്രീ മധുമരങ്ങാട്, കോഴിക്കോട് ജില്ലാ പ്രസിഡന്റ് ബ്രഹ്മശ്രീ കുനി കേശവൻ നമ്പൂതിരി, കാസർഗോഡ് ജില്ലാ പ്രസിഡന്റ് ബ്രഹ്മശ്രീ ഈശ്വരൻ എമ്പ്രാന്തിരി, യോഗക്ഷേമ സഭ കോഴിക്കോട് ജില്ലാ പ്രസിഡന്റ് ബ്രഹ്മശ്രീ മധു അരീക്കര എന്നിവർ ആശംസ പ്രസംഗം നടത്തും.

SSLC, CBSE, Plus 2 പൊതുപരീക്ഷകളിൽ ഉന്നതവിജയം നേടിയ വിദ്യാർത്ഥികളെയും ബിരുദം, ബിരുദാനന്തരബിരുദം, ഡോക്ടറേറ്റ് ഈ തലങ്ങളിൽ ഉന്നതവിജയം കൈവരിച്ചവരേയും യോഗത്തിൽ ആദരിക്കും. സംസ്ഥാന ജോ : സെക്രട്ടറി ബ്രഹ്മശ്രീ കുടൽ മന പി വിഷ്ണുനമ്പൂതിരി യോഗത്തിന് കൃതജ്ഞത അർപ്പിക്കും .