കൻവാർ തീർത്ഥാടകർക്ക് നേരെ ട്രക്ക് പാഞ്ഞു കയറി; ആറ് പേർക്ക് ദാരുണാന്ത്യം, ഡ്രൈവർക്കായി തിരച്ചിൽ തുടരുന്നു

ലക്‌നൗ: ഹരിദ്വാറിലെ കൻവാർ തീർത്ഥാടകർക്ക് നേരെ ട്രക്ക് പാഞ്ഞു കയറി. അപകടത്തിൽ ആറ് പേർക്ക് ദാരുണാന്ത്യം. ഒരാൾക്ക് ഗുരുതരമായി പരിക്കേൽക്കുകയും ചെയ്തിട്ടുണ്ട്.

ഉത്തർ പ്രദേശിലെ ഹത്രസ് ജില്ലയിലാണ് അപകടമുണ്ടായത്. മദ്ധ്യപ്രദേശിലെ ഗ്വാളിയോറിൽ നിന്നുള്ള തീർത്ഥാടകർക്ക് നേരെ അമിത വേഗത്തിലെത്തിയ ട്രക്ക് പാഞ്ഞ് കയറുകയായിരുന്നു.

അതേസമയം, അപകടത്തിന് പിന്നാലെ രക്ഷപ്പെട്ട ഡ്രൈവർക്ക് വേണ്ടി തിരച്ചിൽ ആരംഭിച്ചെന്ന് ആഗ്ര സോൺ അഡീഷണൽ ഡയറക്ടർ ജനറൽ ഓഫ് പോലീസ് രാജീവ കൃഷ്ണ വ്യക്തമാക്കി.