വാഷിങ്ടൺ : ഇറാനുമായി തുടരുന്ന സംഘർഷങ്ങൾക്കിടയിൽ നയങ്ങളിൽ നിർണായക മാറ്റവുമായി അമേരിക്ക. ഇറാൻ ആണവായുധം നേടുന്നത് തടയുന്നതിനേക്കാൾ അമേരിക്കയിലെ ജനങ്ങൾക്ക് കുറഞ്ഞ വിലയിൽ ക്രൂഡ് ഓയിലും ഇന്ധനവും ലഭ്യമാക്കുന്നതിനാണ് ഇപ്പോൾ തങ്ങൾ മുൻഗണന നൽകുന്നതെന്ന് അമേരിക്കൻ വൈസ് പ്രസിഡന്റ് ജെഡി വാൻസ് വ്യക്തമാക്കി. ഫോക്സ് ന്യൂസിന് നൽകിയ അഭിമുഖത്തിലാണ് വാൻസ് നിലപാട് വ്യക്തമാക്കിയത്. ഹോർമുസ് കടലിടുക്കിലെ എണ്ണവിതരണ തടസ്സങ്ങളും യുദ്ധക്കെടുതികളും അമേരിക്കൻ സമ്പദ്വ്യവസ്ഥയെക്കൂടി ബാധിക്കുന്ന പശ്ചാത്തലത്തിലാണ് ഈ പുതിയ പ്രസ്താവന.
ഇറാന്റെ ആണവായുധ മോഹങ്ങൾ തടയുക എന്നത് മുൻകാലങ്ങളിൽ അമേരിക്കയുടെ മുഖ്യ അജണ്ടയായിരുന്നുവെങ്കിലും, നിലവിലെ സാഹചര്യം ഭരണകൂടത്തെ പുനർചിന്തനത്തിന് പ്രേരിപ്പിച്ചിരിക്കുകയാണ്. സാമ്പത്തിക ഭാരം സാധാരണക്കാരായ അമേരിക്കക്കാരുടെ മേൽ അടിച്ചേൽപ്പിക്കപ്പെടുന്നത് ഒഴിവാക്കാനാണ് ഇന്ധന വില സ്ഥിരതയ്ക്ക് ഇപ്പോൾ മുൻഗണന നൽകുന്നത്. എങ്കിലും ആണവ പ്രതിസന്ധിയും ഹോർമുസ് കടലിടുക്കിലെ സുരക്ഷയും കൈവിട്ടുപോയിട്ടില്ലെന്നും, ഈ രണ്ട് ലക്ഷ്യങ്ങളും ഒരേസമയം നേടിയെടുക്കാൻ അമേരിക്കയ്ക്ക് കഴിയുമെന്നാണ് വാൻസ് അവകാശപ്പെടുന്നത്.
അതേസമയം, പശ്ചിമേഷ്യയിലെ യുദ്ധരംഗത്ത് അമേരിക്കയ്ക്ക് മറ്റൊരു വെല്ലുവിളികൂടി നേരിടേണ്ടി വന്നിട്ടുണ്ട്. ദീർഘകാലമായി മേഖലയിൽ നിലയുറപ്പിച്ചിരിക്കുന്ന യുഎസ്എസ് അബ്രഹാം ലിങ്കൺ എന്ന വിമാനവാഹിനിക്കപ്പലിലെ സൈനികർ കടുത്ത മാനസിക-ശാരീരിക ബുദ്ധിമുട്ടുകൾ നേരിടുന്നതായും അവശ്യസാധനങ്ങളുടെ ലഭ്യത കുറഞ്ഞതായും റിപ്പോർട്ടുകൾ പുറത്തുവന്നു. കപ്പലിലെ ജീവനക്കാരുടെ ദുരിതങ്ങളിൽ പെന്റഗൺ അന്വേഷണം നടത്തണമെന്ന് സെനറ്റർമാർ ആവശ്യപ്പെട്ടതിനെത്തുടർന്ന്, യുഎസ്എസ് ജോർജ്ജ് വാഷിങ്ടൺ എന്ന പുതിയ വിമാനവാഹിനിക്കപ്പൽ മിഡിൽ ഈസ്റ്റിലേക്ക് അയക്കാൻ പ്രതിരോധ വകുപ്പ് തീരുമാനിച്ചു. വിയറ്റ്നാമിലെ ദാ നാങ് തുറമുഖത്തുനിന്ന് പുറപ്പെട്ട് സിംഗപ്പൂർ, മലാക്ക കടലിടുക്കുകൾ താണ്ടി ഇന്ത്യൻ മഹാസമുദ്രം വഴിയാണ് ഈ പുതിയ കപ്പൽ പശ്ചിമേഷ്യയിലേക്ക് എത്തിച്ചേരുന്നത്. യുദ്ധത്തിന്റെ ചൂടേറുന്നതിനിടയിലും സൈനികരുടെ ആരോഗ്യകാര്യത്തിലും ഇന്ധന വിപണിയുടെ സുസ്ഥിരതയിലും ഒരുപോലെ ശ്രദ്ധ കേന്ദ്രീകരിക്കേണ്ട പ്രതിസന്ധിയിലാണ് ഇപ്പോൾ യുഎസ് ഭരണകൂടം.
ചാലയിലെ രണ്ടുകോടിയുടെ സ്വർണക്കവർച്ചയ്ക്ക് പിന്നിൽ സിനിമാക്കഥയെ വെല്ലുന്ന ആസൂത്രണം. ബിസിനസ് വൈരാഗ്യവും വിശ്വാസവഞ്ചനയും ഒത്തുചേർന്ന കവർച്ചയുടെ ചുരുളഴിച്ചത് പൊലീസിന്റെ അതിവിദഗ്ധമായ…
സഹകരണ മേഖലയ്ക്ക് പുതിയ ഉണർവേകി മഹാരാഷ്ട്രയിലെ പൂനെയിൽ രണ്ട് സുപ്രധാന പദ്ധതികൾക്ക് തുടക്കമിട്ട് കേന്ദ്ര ആഭ്യന്തര-സഹകരണ മന്ത്രി അമിത് ഷാ.…
ഭാരതീയ സ്വാതന്ത്ര്യസമര ചരിത്രത്തിലെ ധീരനായ യുവവിപ്ലവകാരികളിലൊരാളായ കർത്താർ സിംഗ് സരാഭയുടെ രക്തസാക്ഷിത്വ ദിനമാണ് നവംബർ 16. വെറും 19 വയസ്സുള്ളപ്പോൾ…
ഹൈദരാബാദിൽ സംഘടിപ്പിച്ച കോൺഗ്രസിന്റെ ഭാരത് സമ്മിറ്റ് 2026-ൽ ഇറ്റാലിയൻ രാഷ്ട്രീയ നേതാവായ ജിയാക്കോമോ ഫിലിബെക്ക് 'വോട്ട് ചോർ, ഗദ്ദി ഛോഡ്'…
ലോകപ്രസിദ്ധമായ ചക്കുളത്തുകാവ് ശ്രീഭഗവതി ക്ഷേത്രത്തിലെ കാർത്തിക പൊങ്കാല മഹോത്സവത്തിന് മുന്നോടിയായുള്ള പവിത്രമായ കാർത്തിക സ്തംഭം ഉയർത്തൽ ചടങ്ങ് ഭക്തിനിർഭരമായി പൂർത്തിയായി.…
മനുഷ്യനെ യഥാർത്ഥ മനുഷ്യനായി ജീവിക്കാൻ പ്രാപ്തനാക്കുന്ന മഹത്തായ അറിവാണ് ഭാരതത്തിന്റെ പവിത്രമായ വേദങ്ങൾ പകർന്നുനൽകുന്നതെന്നും, ആ വേദപഠനത്തെ സാധാരണക്കാരിലേക്ക് എത്തിക്കുന്ന…