ഭർതൃ വീട്ടിൽ യുവതി ആത്മഹത്യ ചെയ്തത് പീഡനത്തെ തുടർന്ന്; കോന്നിയിൽ ഭർതൃമാതാവ് അറസ്റ്റിൽ

പത്തനംതിട്ട: കോന്നിയിൽ ഭർതൃ വീട്ടിൽ യുവതി ആത്മഹത്യ ചെയ്ത സംഭവത്തിൽ ഭർതൃമാതാവ് അറസ്റ്റിൽ. ഭർതൃമാതാവ് മൻസൂറത്തിനെയാണ് കോന്നി പോലീസ് അറസ്റ്റ് ചെയ്തത്.

കഴിഞ്ഞ മാസം 24 നാണ് കോന്നി കുമ്മണ്ണൂർ സ്വദേശി ഷംന ഭർതൃവീട്ടിൽ തൂങ്ങിമരിച്ചത്. ഭർത്താവിന്റെയും മാതാവിന്റെയും പീഡനത്തെ തുടർന്നായിരുന്നു ആത്മഹത്യയെന്ന് ഷംനയുടെ വീട്ടുകാർ പരാതിപ്പെട്ടിരുന്നു. തുടർന്നാണ് പോലീസ് നടപടിയെടുത്തത്.